اقتباس:
المشاركة الأصلية كتبت بواسطة عاشقة الموج
بالراحة قليلاً
حضرتك متنرفز و عصبى فى ردك
انظر لمجتمع المدرسين أيرضيك أن يقال على معلم قارب سن المعاش أن يجلس هكذا محاولاً الغش و هومن كان يمنع طلابه من الغش اقتداء بأمر رسولنا الكريم صلى الله عليه وسلم :
(من غشنا فليس منا)
لماذا نعتبر امتحان الكادر إهانة للمعلم فى حين قبل الامتحان بشهور كان هناك تدريب مدرسين أوائل لجميع المراحل و كنا نحضر التدريب لمدة أسبوع و نهايته كنا ندخل امتحان و نجلس تلك الجلسة و يعقبه أسئلة شفهى عن البحث الذى كثيرين منا لا يعملوه بل ينسخوه من أمام مكتبة قريبة من مقر التدريب
أرجو ألا نكون إنفعاليين فى ردودنا و نعطى كل ذى حق حقه
و إلا اختلط الحابل بالنابل
و هل من الذوق أن تتحدث لأحد و تقول له أنت حتى و لو كان أصغر منك فلنتعلم أولاً طريقة الحوار و على فكرة أنا لدى أولاد فى سن حضرتك
و لكن أرفض امتهان كرامة المعلم على صفحات الجرائد لنظهر أمام طلابنا و كأن المعلم يلتمس الوسيلة (الغش) ليحصل على الكادر
و أنا على درجة عالية فى الكادر
وكفاية لأنى تعبت بجد |
قسمت رد حضرتك وحرد عليه تبعاً للألوان
1- انا مش متنرفز ابداً في ردي بس انا رديت على حد بيسأل مش فاهم ليه الكادر إهانة !
ومقلتش غير الحقيقة
هل اللى قلته في حاجة غلط ؟؟
2- انا مقلتش إنه حلال لما المدرسين يغشو عشان الكادر ظلمهم
ده طبعاً غلط واكبر غلط لما يبقى المدرس اللى بيقول متغشش للطلبة يغش
3- كما قلت فانا على علم بما أقول ومحترم وجهة نظر حضرتك جداً
وانا والدتي برده مدرسة وانا كنت متابع معاها امتحانات الكادر كلها
مش عارف فين التدريب اللى حضرتك بتقولي عليها
بس آخرنا كنا بنجيب اسئلة من عالنت بيحطوها ناس وبيقولو عليها امتحانات الكادر
الامتحانات طبعاً معروفة
التخصص + العربي + المادة التربوية
ازاي مدرس انجليزي ولا دراسات ولا رياضيات يسألوه في العربي
العربي كعربي بسيط ماشي
لكن لما يقولك اعرب ولا اذكر من صاحب كتاب "كذا" ومن مدرسة ايه الشعرية
والله انا كنت طالع من الادب تالتة ثانوي قلتلها معرفش
4-انا مش فاكر فين قلت لحد "أنت" بس اللى متأكد منه إنه مبقولش لحد معرفوش او اكبر مني "أنت"
5- لو قصد حضرتك الصفحة ده فأنا ضد ده طبعاً ومينفعش الشكل ده بالمنظر ده
ومينفعش برده يكون الكادر تبرير للغش
بس انا كان كل ردي عشان امتحان الكادر في ذات نفسه هل هو إهانة ولا لأ
اه وكمان ملحوظة صغيرة لحضرتك لو مكنتش بدايق حضرتك يعني
ياريت تصغري الخط شوية عشان مياخدش مساحة كبيرة من الصفحة ويبان الرد إنه كبير
ومتزعليش مني لإني فعلاً مش متنرفز
بس ده طريقتي المعتادة في توضيح كلامي يمكن بتحسوها عصبية او حاجة
بس ياريت فعلاً محدش يزعل مني في أي كلمة مش قاصدها