[عاشقة الموج]

المشاركة الأصلية كتبت بواسطة banzer

قسمت رد حضرتك وحرد عليه تبعاً للألوان

1- انا مش متنرفز ابداً في ردي بس انا رديت على حد بيسأل مش فاهم ليه الكادر إهانة !
ومقلتش غير الحقيقة
هل اللى قلته في حاجة غلط ؟؟

2- انا مقلتش إنه حلال لما المدرسين يغشو عشان الكادر ظلمهم
ده طبعاً غلط واكبر غلط لما يبقى المدرس اللى بيقول متغشش للطلبة يغش

3- كما قلت فانا على علم بما أقول ومحترم وجهة نظر حضرتك جداً
وانا والدتي برده مدرسة وانا كنت متابع معاها امتحانات الكادر كلها
مش عارف فين التدريب اللى حضرتك بتقولي عليها
بس آخرنا كنا بنجيب اسئلة من عالنت بيحطوها ناس وبيقولو عليها امتحانات الكادر

الامتحانات طبعاً معروفة
التخصص + العربي + المادة التربوية

ازاي مدرس انجليزي ولا دراسات ولا رياضيات يسألوه في العربي
العربي كعربي بسيط ماشي
لكن لما يقولك اعرب ولا اذكر من صاحب كتاب "كذا" ومن مدرسة ايه الشعرية
والله انا كنت طالع من الادب تالتة ثانوي قلتلها معرفش

4-انا مش فاكر فين قلت لحد "أنت" بس اللى متأكد منه إنه مبقولش لحد معرفوش او اكبر مني "أنت"

5- لو قصد حضرتك الصفحة ده فأنا ضد ده طبعاً ومينفعش الشكل ده بالمنظر ده
ومينفعش برده يكون الكادر تبرير للغش

بس انا كان كل ردي عشان امتحان الكادر في ذات نفسه هل هو إهانة ولا لأ

اه وكمان ملحوظة صغيرة لحضرتك لو مكنتش بدايق حضرتك يعني

ياريت تصغري الخط شوية عشان مياخدش مساحة كبيرة من الصفحة ويبان الرد إنه كبير

ومتزعليش مني لإني فعلاً مش متنرفز
بس ده طريقتي المعتادة في توضيح كلامي يمكن بتحسوها عصبية او حاجة

بس ياريت فعلاً محدش يزعل مني في أي كلمة مش قاصدها

مشكووووووووووووووووور على الرد و المتابعة
ولكن لنتفق على أن الغاية لا تبرر الوسيلة
الامتحان شئ عادى إذا كان بعد تدريب
و لكن الحادث عكس ذلك تماماً و هو ما دعى لهذه العشوائية التى تحسب على التربية و التعليم
و ذلك لا بد من التخطيط لعمل شئ و ليس اعتباطياً فى يوم و ليلة يكون امتحان الكادر بدون سابق إنذار و هو كالامتحان الأول للكادر أغسطس 2008 حيث لم يكن هناك تدريب و لا تخطيط وعشوائية فى كل شئ لدرجة كان دخولنا الامتحان لإثبات للذات ليس إلا و ذلك المهم
نعم كان فيه شهر 1 - 2008 تدريب مدرس أول و كل من دخله أيضاً أجبر على دخول امتحان الكادر
هذه طبيعة البلد التى لا تراعى التخطيط للقيام بأى عمل و لهذا تجدنا فى كل الأعمال التى لا يسبقها تخطيط تكون عشوائية و مهملة و فاشلة.............
بالنسبة للخط لا أحب الخط المنمنم و ذلك لكبر السن و لبس النظارات فالتمس لى العذر
و فى النهاية أشكر لك غيرتك على مسئولى العملية التعليمية و خاصة إن والدتك زميلة لنا
و دمتم بخير و كل عام و أنت بخير
و نراك على خير و نقول جميعاً
اللهم أصلح حال بلدنا التى نحبها!!!!!!!!!