السلام عليكم ورحمة الله وبركاته
كل عام وانتم بخير بمناسبة رمضان
والعيد طبعا انتم عارفين ان كل لما يقرب
العيد تكتر الاغرائات يا حلو وتزيد يعني
تكتر الوكزيونات من اوكازيون ملابس
لجزم للبان وكلام فاضي كده يعني لكن
كلنا ياجدعان بننسي اوكازيون الرحمن
تاخدنا الحياة كالعادة وتبقي الدنيا سكر زيادة
يعني تبتدى تقل همتك ووردك من القران يقل
لغاية ما يتنسي يا حلو والخطير هو انك تنسي
اوكازيون القدير وهو انك تنسي ان من صام رمضان
ايمان واحتسابا غفر له ما تقدم من ذنب وننسي
كمان باقي فرص الرحمن انه من قام رمضان ايمانا
واحتسابا غفر له ماتقدم من ذنب وننسي كمان
باقي عروض الغفار انه من قام ليلة القدر ايمانا واحتسابا
غفر له ما تقدم من ذنب وبعد كل العروض دى تاخدك
الغفلة يا انسان فبلاش تشغلك الدنيا عن اوكازيون الله
الواحد الحي الغني وتاخدك الحياة كمان في رمضان حاول
تقرب اكتر من الله وتعوض الي فاتك واعرف انك فعلا في اوكازيون وفي فضل ونعمة من الله فكر قرر وحدد موقفك
وقلي انت عايز ايه عايز فيلا وعربية ووظيفة عايزة تتجوزى
اتقربوا من الرحمن ربنا سبحانه وتعالي يقول (واذا سالك عبادى
عني فاني قريب اجيب دعوة الداع اذا دعان فليستجيبوا لي_
يعني لازم نستجيب للرحمن علشان يحقق لنا امانينا واوصيكم ونفسي بسنة الفجر فانها خير من الدنيا وما فيها وكمان بصلاة
القيام في الثلث الخير من اليل ففيها يتنزل الرحمن تنزل يليق
به سبحانه ويقول هل من مستغفر فاغفر له هل من تائب لاتوب
عليه هل هل هل....
ياالله نحن نضيع هذه الفرص كلها بجد لازم نقف وقفة صادقة
مع انفسنا ونحاول اننا نخلي رمضان السنة دى غير ونبعد عن الاغاني والمعاصي والذنوب وبجد عايزين نتوب