اقتباس:
المشاركة الأصلية كتبت بواسطة banzer
في نظري عبرت عن الفكرة - على الأقل - بشكل إجمالي
لكن حتى لو مكنتش عرفت تعبر فإنت قدرت توصل الفكرة
بالنسبة لموضوع الدين معاملة وطريقة مخاطبة كل شخص
كان في حديث لرسول الله صلى الله عليه وسلم بيقول
خاطبوا الناس على قدر عقولهم
في واحد ميقتنعش برأيك غير لما تيجيبله الأدلة والبراهين وتقنعه
واحد تاني بيزهق من الرغي عشان توصله المعلومة لازم (تجيبله من الآخر)
واحد تالت مبيفهمش بسرعة لازم تفهمه كل حاجة بمثال وتشبهها بحاجة مماثلة تقربله الفكرة
وده بيغلب على نظام مخاطبة الاطفال اكتر
يبقى مينفعش طبعاً نكلم الناس بلغة واحدة وثابتة
في واحد اول ما تكلمه في الدين يقولك بلاش تشدد تروح جايبهاله بالمنطق
واحد تاني مش بيحب الفلسفة يقولك هاتلي نص صريح في الدين واقتنع بيه
ده حاجة طبيعية فينا
ومعتقدش في حد بيزعل من تغيير شكل الكلام من شخص لآخر
لأنه أكيد مش تفكير كل واحد زي التاني
|
شكرا لحضرتك علي توضيح الفكره بطريقه مبسطه وجميله