بالتأكيد طبعا مش لي زراع استاذي العزيز فانا لا اقدر علي ذلك ابدا
بس اصل افتكرت ان الحلقه اللي فاتت دي كانت النهايه فزعلت اوي ان النهايه جات كده
اما تعليقي بعد الحلقه الاخيره
شوف بقي يا سيدي
اولا الموقف اللي حصل بينه وبين الزوجه التانيه قصدي طليقته حاليا كان سريع جدا لدرجه تحس انهم كانوا بيتخلصوا من بعض جايز ده كان المطلوب انه يتحس بس بردوه في نقطه تايهه
ان الاخ استمتع يومين بحاجه غلط ومكنش في عقاب
يعني بص من الاخر هقول لحضرتك انا كان تصوري ايه في النهايه
ان لازم الزوجه الاولي تعرف وطبعا تثور وتعمل مشاكل وتسيب البيت وتاخد الولاد معاها ويرجع الاخ للزوجه التانيه وتحصل معاها مشاكل بسبب تفكيره الدائم في مراته الاولي وتطلق هي كمان يعني تعقدله الحكاية شويه كده وبعدين لازم يرجع لعقله ويروح لمراته الاولي ويصالحها وطبعا مش هترضي هي بسهوله بس في النهايه ترضي ويجي بقي المشهد الاخير في الحلقه الاخيره ده
بس يا سيدي ده كان تصوري
شفت بقي عمره مش لي ذراع ولا حاجه طبعا
عموما استاذي بالتأكيد كان افضل ما في القصه انك كنت قائدا في رحلتها تقود بنا زورق الاحداث فنتمايل معك فرحا في احداثها المفرحه ونضحك مع من قلوبنا في لحظاتها الساخره
ونتعذب معك في عذاب ابطالها وفي النهايه اخذت زورقنا بنجاح لشاطئ النهايه السعيده
شكرا استاذي علي القصه الرائعه
|