[Einstein]

المشاركة الأصلية كتبت بواسطة zaad

انا قرات عنه كتب كتير

وياريت حضرتك تقولى هما عملوا ايه يمكن أنا معرفش ..

بس أنا عايزة أسألك..

أنت جايب الكلام ده من خلال قراتك لكتبهم وتحفظك على الكلام اللى فيها..

ولا من أفلام عادل امام ومن كلا الناس عليهم.

أرجو ما تتخدعش بالكلام اللى بيتقال على الشاشات من غير دليل.

وأنا أقدر أقولك الناس دول بيعملوا ايه..

أولا بيحبوا الناس كلهم وبيتمنوا لهم الخير وكمان بيدعولهم دايما بظهر الغيب وغير كده..

يعنى مش زى ما الافلام بتصور أنهم ناس مكشرين ومعقدين

ولو شافوا حد بيعصي ربنا بيقطعوه ويطلعوا الرشاشات فى وشه

لا والله

وكمان دول ناس كل همهم أنهم يذكروا الناس ويدعوهم للصلاة والصوم والزكاة وغيرها من العبادات

فبصراحة كتر ألف خيرهم أنهم بيضيعوا عمرهم كله عشانا

وكلامهم دائما وأبدا بيكون بدليل مش كلام كده فى الهوا وخلاص

يعنى

كلامهم كله بيكون من القران الكريم

اللى مفيش اتنين مسلمين يختلفوا انه حق (الا اذا كان طه حسين عنده كلام تانى)

ومن السنة النبوية اللى كلها صحيحة

وعمرهم ما يقولوا حديث ضعيف أو موضوع للامانة العلمية لديهم

ومظمهم بيبقوا ناس دارسين على ايد شيوخ كبار جدا لحد ما اتربوا وبقوا كده

وحتلاقيهم معظمهم عندهم أخلاق ممتازة جدا

يعنى بر والدين وصلة رحم وأدب فى الكلام مع الناس وحيااااء وتحرى الصدق دايما فى كلامهم

فهم باختصار الذين يحافظون على سنة النبى صلى الله عليه وسلم سواء ظاهريا أو باطنيا على قدر المستطاع

وما أجمل التحلى بسنة الحبيب لان الارض كلها ما عرفت أحد أنجح و أكثر ادبا من النبى صلى الله عليه وسلم

وان كان الشيخ الذى ذكر غير معروف للعامة لانه لا يظهر على الفضائيات

فما رأيك فى الشيخ محمد حسان والشيخ محمود المصري والشيخ حازم شومان وغيرهم كتير

وساعتها شوف بنفسك على الطبيعة اللى بتسموهم سلفيين دول بيعملوا ايه واخلاقهم عاملة ازاى

واللى بيعرضه أفلام عادل امام بتقول ايه وشوف بقى حتصدق الفيلم ولا الحقيقة

وربنا يهدينا كلنا

يتبع لو كان فى حوار و رد .........)))

انا لا باتفرج لا على عادل امام ولا ليلى علوى لأنى معنديش وقت ابصلهم

بس ماشى زى ما انت بتقول الناس دول كويسه وكل حاجة ( ومش عايز أدخل فى مواضيع )

بس دول ذو خلفيه دينيه فى الأغلب

أما طه حسين ذو خلفيه أدبيه كبيرة جدا ومتقوليش ان فيهم حد وصل للى وصله طه حسين فى الأدب

وفى حكمه بتقول يعنى مش فاكرها أوى بس معناها انك تحكم على عمل من جنس عملك

بس حد فيهم درس الاستشراق اللى ممكن تقعد تدرس فيه سنين

انا مقولتش عليهم حاجة اول ما قولت دا سلفى مش كدا

ما كنتش اقصد حاجة يعنى