[sympathique]

المشاركة الأصلية كتبت بواسطة souhaits

c'est la vie
نحدد هدف
نبقى عايزينه
اتحقق .. جميل .. نفرح شوية
وندور على هدف تانى
ماتحققش .. نزعل شوية
وبرضو ندور على هدف تانى
عمرنا ما هانوصل لدرجة الرضا التام
لازم بتطلع لنا حاجة جديدة عايزينها
وبعدين ماعتقدش ان فيه حاجة اسمها حلم الحياة او الحلم اللى عايشة عشانه
ممكن يكون حلم باتمناه اوى وعايزة اوصله
بس لو ماتحققش مش هاموت
هاخد وقت وبرضو هارجع اشوفلى حلم تانى
الفرق بين الناس بيكون ف الوقت ده
فيه ناس بتفوق بسرعة من الزعل
وفيه ناس بتاخد وقت اطول

تمام انا معاكى
بس الحياة عبارة عن سلسة احلام
والانسان بطبيعته طماع
نضرب مثل
واحد عاوز يطلع دكتور وفعلا ربنا كرمه وبقى دكتور
ابتدى يحلم يكون دكتور مشهور وحقق ده
ابتدى يحلم ان هو يكون متفوق فى التخصص بتاعه وفعلا حقق ده
كمان حب ان هو يكون اشهر دكتور فى التخصص وفعلا حصل ده........الخ

لحد كده تمام
بس فيه بقى عينة من الناس عندها حاجة اسمها حلم الحياة ومبتكونش عايزة حاجة غيرها
وفعلا لو حققتها بتكون خلاص مش عاوزة حاجة تانى وفيه ناس فعلا كده

نيجى بقى للناس اللى بتتاثر فعلا واظن ان كل واحد مننا عنده مثال للناس اللى بتاثر واكيد فيه ناس مرت عليه واتاثروا
وقعدوا فترة على مافاقوا وابتدوا يمارسوا حياتهم

وكمان فيه ناس بتغير حياتها نهائيا خالص وخصوصا لما بتفشل فى حاجة ومعرفتش توصل لها

وفى المقابل نلاقى ناس مرنة وعندها القدرة على التكيف مع الامر الواقع وبياخد من ده وسيلة لتحقيق الافضل

فى النهاية بقول

جد ....... تجد

وشكرا على نقدك للموضوع