[yasasa]

المشاركة الأصلية كتبت بواسطة BaNZeR

لا عوامل الشتيت كثيرة ولا تعد منها على سبيل ...... لا الحصر (مش فاكر كانت ايه )

1- الجلوس في اي بنش بعد الثالث فالفهم يقتصر عالبنشات الاولى فقط ويتدرج حتى يصل للصفر في الآخر

2- اختيار الزميل اللى يكون معاك مينفعش تبقى من غيره ومينفعش يبقى رغاي
لإنك لو فضلت لوحدك لازم حتنام لو قعدت ترغي معاه كتير يبقى اكيد مش حتركز

3- صوت الدكتور وطريقة شرحه
كان عندنا دكتورة الحاسبات والبرمجة والله حتى لما بنام عالبنش البنش كان بيتهز من صوتها
ورغي رغي رغي متلحقش تفهم حاجة ولو فهمت حتلاقي نفسك صدعت بعد ربع ساعة

4- إنك تكون داخل المحاضرة عشان الغياب لا اكثر وبالتالي حتعمل اي حاجة تشغلك عن شرح الدكتور لانك مش حابه

5- الموبايل طبعاً وياسلام لو رنة عجيبة من اللى بنسمعها دول
واحد بس يرن والطلبة تضحك والشرح يقف

ده بيبقى فيها ياكارت احمر وطرد
ياما كلمتين حلوين قدام حبايبك (وحيبقى منظرك وحييييش)
يا اما حيوقفك يسألك سواء عن اسمك او عن الدرس

وطبعاً اخفهم تاثيراً واحببهم إلى النفس هي الاولى

6-واحد يدخل المحاضرة متأخر ربع ساعة لازم كل الطلبة تبص عالباب تشوف مين اللى داخل
حتى وهو ماشي او داخل يقعد مكانه


7- كفاية كده لاني مش عايز احبطكم اكتر

فى حل أحسن أقعد فى محل البلاى أستيشن الى جمب الكلية
ولا تقلى فيه تشتيت ولا الكلام ده
وأقلب المحاضرة من أى حد خارج