اولا البقاء لله وانا لله وانا اليه راجعون
انا مش بعرف اتكلم قوى فى المواضيع دى بس هحاول اساعدك انا برضو خالى توفى بس من شهرين الله يرحمه
المهم يا حبيبتى الموت قضاء الله لا مفر منه والحمد لله انها ماتت وهى فى عمرة باذن الله فى الجنة يااااااااارب
بصى حكاية انك بتكلميها اعتقد انها عادية لانك لسه مش متعودة على غيابها او اول مرة يكون الموت قريب منك قوى كدا
وهتروح مع الوقت بالذت لما تيجى الدراسة لانك هتنشغلى بالمذاكرة وكدا ان شاء الله
مش تخافى باذن الله كله هيعدى الدنيا مش بتقف تيتة ماتت خلاص ادعيلها بالرحمة واقريلها قران وربنا يتقبل باذن الله وحبك لجدتك عايش جواكى ومعاكى بس هى ماتت يا حبى ربنا خد الروح والجسد بس اعمالها لسه معانا وحبك ليها عايش وبيكبر بس خلاص مينفعش تكلميها لان دا مش هيفيد بحاجة واللى راح راح ومينفعش نقول ياريت بس ممكن نقول يارب يارب ارحمها واسكنها فسيح جناتك واجعل قربها روضة من رياض الجنة
انا كمان كلامى مش مرتب بس يارب اكون قدرت اساعد باى حاجة
واحب اقولك انتى شكرا لانك خليتنى اقول الكلام دا لنفسى قبل ما اقولهولك وفى النهاية
اللهم اشفى مرضانا وارحم موتانا اجمعين اللهم امين
__________________
 الحمد لله رب العاملين الرحمن الرحيم مالك يوم الدين اياك نعبده واياك نستعين اهدنا الصراط المستقيم صراط الذين انعمت عليهم غير المغضوب عليهم ولا الضالين
ياريت اى حد ظلمته او اهنته ف اى يوم من الايم بقصد او من غير قصد يسامحنى 
|