اقتباس:
المشاركة الأصلية كتبت بواسطة ahmed said 1
أنا الحمدلله منظم أسلوب إستثمار وقتى بشكل عام، لكن "خبايا" التجارب العملية مقدرش أعمل حسابها عشان مش بإيدى أتحكم فيها بنسبة تطمن!
وأنا طرحت الموضوع هنا كنوع من أنواع الدردشة بينا وبين بعض وأنا واثق إنى هلاقى إللى يساعدنى إن شاء الله لإن المنتدى هنا فى منتهى الإحترام
|
لما تيجي تعمل جدول مذاكرة او تنظم وقتك يعنى سيب براح في الجدول مش تخلي الجدول متزنق وبالدقيقة
لو في جزء مثلا حيحتاج ساعتين مثلا سيبله في الجدول ساعتين ونصف ده عشان "الخبايا " والحاجات المفجأة اللي المدرسين بيطلبوها
أما لو ما فيش حاجة مفجأة وخلصت المذاكرة في وقت ااقل مما كنت محدد في الجدول يبقى مفيش مشكلة ويبقى قدامك فرصة انك تحل اكتر او تراجع
اصل في ناس بتعمل جدول بالدقيقة فلما تيجي حاجة مفجأة امتحان واجب كبير شوية الجدول يبوظ ويزعلوا اوي ويحسوا انهم ضايعين في المذاكرة.
انا كنت ألماني والحمد لله كنت جايبه فيه 50 وكنت جيباها بالحل اكتر من المذاكرة
كويس ان المدرس بتاعك مركز على الحل
انا مش باقولك ما تذكرش الالماني طبعا لازم تذاكر بس الحل حيفيدك اكتر من انك تقعد تراجع على اللي ذاكرته والاسئلة كلها بتتكرر حتوصل في المراجعة حتكون حفظت الاسئلة من كتر التكرار
وبعدين مش لازم تقعد تحل الاسئلة كلها مارة واحدة ممكن تأسمها على كذا مرة وتحلها ما بين المواد التانية
الكيمياء لو فهمتها يبقى مش حتاخد وقت في المذاكرة أما لو ما فهمتهاش حتأخد وقت طوييييييييييييييل ومش حتتذاكر كويس برضه يعنى تحاول بقدر الامكان انك ما تخرجش من الحصة الا لما تفهم و اصلا الباب الأول في الكيمياء سهل وقصير وأن كان الحفظ فيه أكتر من الفهم.
العربي طالما فاهم النحو و بتحل علي بيتلم بسهولة صحيح في ناس بتسيبه لفترة المراجعة وبتجيب نتيجة كويسه بس ما انصحكش انك تعمل كده لان ده بيسبب تعب أعصاب جامد الاحسن انك تذاكره اول بأول
وبعدين انت لسه في الاول ما تشدش نفسك جامد عشان ما تجيش في المهم وتكون زهقت معظم الكلام اللي في الاول بيبقى سهل و بيتلم بسهولة
أتمنى أني أكون افدتك