سلام الله عليكم ورحمته وبركاته
اسعد الله اوقاتكم بكل خير
والى حضراتكم ثالث نشراتMM NEWS
اعدها لكم محمد ناصر & محمود طه
والى حضراتك عناوين الاخبار
اقتباس:
|
تحويل المنتدى من قطاع عام الى قطاع خاص
|
اقتباس:
|
شعبوللا فى منتدى الثانوية
|
اقتباس:
|
انا والزائر على العضو ونا والزائر والعضو والمشرف والسوبر على الادارى
|
اقتباس:
|
مهندس ديكور داخل القسم العام
|
اقتباس:
|
قسم التنسيق مراقبته تنشف الريق
|
والى حضراتكم تفاصيل الاخبار::::::::::::::::
وكالعادة نبدأ الخبر بابتسامة
فى ظروف طارقة ووسط مخاوف مشددة من قسم صوت الاعضاء تم تحويله ولمدة يومين من قطاع عام الى قطاع خاص
نظرا للظروف الاقتصادية العصيبة التى يمر بها المنتدى عملا بالمثل الى بيقول ( كل ماتتنزنق بيع ) وبما ان القطاع الخاص هو اللى شغال دلوقتى فقد قررت الادارة خصخصة صوت الاعضاء وتضييق الحلقة على الشعب وتحويله من صوت الشعب الى صوت ( .... )
وكأن لسان حال الشعب يقول
بقيت فى قسمى وحيد مبشوفش رد جديد غير م الادارة
دنا نفسى اشوف تجديد او حتى رد شديد بجد يا خسارة
واللى زاد وغطى خاصية التبليغ عن مشاركة حيث اصبحت لعبة فى ايدى الاعضاء منهم انا بردو
وكانها فانوس سحرى ادعك الفانوس يتعمل موضوع داخل صوت الشعب وبعد مفاوضات وتدخل الولايات المتحدة الادارية واقاويل من هنا وهناك عاد صوت الشعب الى حضن الشعب مرة اخرى كما تم تزويده بعدد واحد بطانية واتنين خدادية لكل مواطن علشان لو حب يريح وتصبحو على خير
:::::::::::::::::::::::
تكادعلامات الاذبهلال والاستهبالان تظهر على وجهى من هذا الخبر والكل بيقول مش هنصدق الا لما نشوف شعبوللا بعنينا
ونا بقوللكو شعبوللا غايب لكن حاضر غايب بجسده لكنه حاضر معانا بكلماته حاضر معانا بعباراته وهيصدعنا بنغماته والدليل اييييييييييييييييييييييييييييييييييييه
يعنى على نفس اللحن المعتاد هيقول شعبوللا :-
انا بكره الادارة
وقولها لو اتوقف
ان شاله تطردونى
او حتى اتحذف
ان شاله تطردونى .... او حتى اتحذف
او حتى اتحذف
واييييييييييييييييييييييه
موضوعى مش مكرر
ليه تنقلهولى ليه
ليه فاكر نفسك حاجة
واللا انت يعنى ايه
ليه فاكر نفسك حاجة .... واللا انت يعنى ايه
واللا انت يعنى ايه
وايييييييييييييييييييه
ما تهدو وتسمعونا
وخليكم تمــــام
واللا عشان صلاحية
هتكترو فى الكلام
واللا عشان صلاحية .... هتكترو فى الكلام
هتكترو فى الكلام
واييييييييييييييييييه
اسمعنى يابو طه
واسمعنى كمان يالورد
مشوفش حاجة محذوفة
ومشوفش كمان كلوزد
مشوفش حاجة محذوفة ..... ومشوفش كمان كلوزد
ومشوفش كمان كلوزد
وايييييييييييييييييييه
. قام الادارى رادد
قال كلمتين شداد
دا كلو لمصلحتكو
مش ظلم و استبداد
دا كله لمصلحتكو ..... مش ظلم واستبداد
مش ظلم واستبداد
واييييييييييييييييييييه
ارجوكو يا اعضاء
اهدو وافهمونا
واللا هتاخدوها عند
وناويين تقرفونا
واللا هتاخدوها عند .... وناويين تقرفونا
وناويين تقرفونا
واييييييييييييييييه
:::::::::::::::
سحابة الأسى والحزن تظلل على المشرفين الاداريين
حيث قام الاعضاء بشن حملة هجومية على الاداريين مع القاء اللوم كله عليهم غير ملتفتين الى ذلك الاحباط النفسى التى تسببت فيه هذه الحملة على الاداريين
حيث وجهت اليهم اتهامات مضمونها ( انتو السبب فى خراب مالطة ) وعندما القى النظر على سبب هذه الحملة وجد الجميع ان الاعضاء تحملهم مسئولية الاقسام التعليمية مع انهم عارفين ان دا مش اختصاصنا وانه ما باليد حيلة
وطبعا وكالعادة هذه الاتهامات لا بد وان تكون محملة بالكثير من النصوص التهزيقية حيث ان كل ادارى اخد نصيبه من التهزيق اللى اتقال عليه كداب واللى اتقال عليه نصاب واللى اتقال عليه بكره تروق وتحلى
وطبعا احنا اللى بنشيل الليلة فى الاخر
وكأن لسان حالنا بيقول
يعملوها التعليميين ويقعو فيها الاداريين
ومن الجانب الادارى قام احد الاداريين بعمل موضوع داخل صوت الشعب مع مد يد العون لهم ووعدهم بتنفيذ طلباتهم التى يحتاجون اليها وقالولهم كمان هنصرفلكم تموين شهرى اهم محتوياته لتر بنزين لكل عضو علشان لو حبي يولع فى الادارى يبقا الامر سهل وادعولهم انهم يلاقو كبريت او يواكبو العصر ويستخدمو الولاعة
:::::::::::::::::::::
فى نيولوك جديد يظهر القسم العام زى ماتقولو ماشى على الموضة
حيث قامت احدى المشرفات الاربعة ( خمسة وخميسة ) بعل موضوع داخل حجرة المشرفين يتضمن تقسيم القسم العام الى قسمين احدهما للمواضيع الملطوشة والاخر للمواضيع المستمدة من وحى الكاتب وطبعا وكعادة المشرفين والاداريين انهم يفضلو يرغو كتير حيث تم الاتفاق على التقسيم بعد اكثر من خمسين رد بما يعادل اربع صفحات من الرغى النقى عالى الجودة وطويل التيلة وطبعا وكالعادة بردو اتقسم لحاجة تانية خالص غير اللى كانت مطلوبة
زى ماتقولو كنا بنرسم مشروع كبرى علوى فى النهاية طلع قرية سياحية ومحدش يقوللى ايه وجه الشبه لانى مش عارف
وبعد التشطيبات الداخلية والخارجية ووضع القوانين الجديدة للقسم الجديد وضع اللورد لمسته الاخيرة واخرج القسم الفرع البيبى وخلاه يقب على وش المنتدى مع تمنياتنا للقسم الصغير انه يكبر يكبر ويبقا عجوز ويموت بردو فى الاخر ويخش النار لان نيته مكنتش سليمة وربنا يحرقه بسولار هو واللى شار الشورة المهببة دى
:::::::::::::::::::
بعد مرور اكثر من اربعون عاما على قرار التنحى
وعلى غرار ما قام به ناصر سبعة وستين قرر محمد ناصر فى عام الفين وتسعة فى شهر اغسطس الساعة واحدة الا ربع تحديدا ان يقدم قرار التنحى مساواة بالزعيم الراحل عبد الناصر حيث قال محمد ناصر اثناء التنحى
لقد اتخذت قرارا اريدكم جميعا ان تساعدونى عليه لقد قررت ان اتنحى تماما ونهائيا عن اى منصب ادارى وعن اى دور اشرافى وان اعود الى صفوف الاعضاء كأى مواطن ثانوى
وجاءت تقارير من هنا وهناك واخبار سرية ايضا باحتمال عودة محمد ناصر الى كرسى الزعامة مرة اخرى هل سيصدق هذا الخبر ام انها مجرد زوبعة داخل فنجان
ويا خبر النهاردة بمغات بكره يبقا نظارة بعدسات
:::::::::::::::::::::::::
وقفت اناملى عاجزة عن سرد ما يحث داخل قسم التنسيق حيث ان عينى لم ترى له مثيل قط
اطلق الجميع عليه لفظ الكارثة نظرا للتجاوزات الجمة التى تحدث به حيث ان بعض الاعضاء بتستهبل جامد وبتضع شتائم مخلة بالاداب دا غير اللى بيعملوه فى مشرفة القسم ياعينى مبهدلينها ومطلعين عنيها دى لو بتجرى على اكل عيش مش هيجرالها كدا
حيث انهم كل يوم والتانى يعملو موضوع يا يشتمو فى المشرف يا يشتمو فى الادارة
وقد دخل هذا القسم موسوعة جينيس كأكبر قسم تم وقف اعضاء منه حيث يتم وقف اكثر من عضو يوميا نتيجة للتجاوز الشديد الذى يحدث داخل هذا القسم
ومن جانبه قامت الادارة بتعيين مشرف اخر مع المشرف الاسبق لكى يتحملو عبىء هذا القسم سويا وربنا يطول فى عمرهم ويزهزه عصرهم وينصر على مين يعاديهم قادر ياكريم
::::::::::::
الى هنا تنتهى نشرة الاخبار ايها السيدات والسادة
والى ان نلقاكم فى حلقة اخبارية جديدة
دمتم فى رعاية الله