اقتباس:
المشاركة الأصلية كتبت بواسطة mohammedshebl
السلام عليكم
انا اسف لو اتدخلت في المجتمع بتاعكم خصوصا اني لسه مخلص هندسة السنادي الحمد لله
بس حبيت انقل لكم شوية من الحاجات اللي قابلتها
بالنسبة للكورسات فهيا مفيدة جدا للطالب اللي مش بيحضر محاضرات كتير..ودا بيحصل من خمسين في المية من الطلبة بعد اول سنة نتيجة للزهأ والملل وممكن يكون دكتور المادة ضعيف ومش قادر يوصلك المعلومة صح...عشان كدا متسبش نفسك لانك هتعاني كتير ... .والتزامك ومذاكرتك الكويسة في الكورسات تخليك تجيب جيد مستريح...بس المهم يكون المعيد شاطر وكوي.س مش اي كلام يعني
الخمس سنين دول ما هما غير عبارة عن تراكم معلومات مش هتستفيد بيها نهائيا غير قليل جدا...طيب ايه الحل؟؟...الحل انك تعرف انت عايز ايه وعندك النت عيش عليه لمدة خمس سنين جيب منه اللي انت عايزه وكونلك خبرة نظرية من خلال النت (النعمة الكبيرة اللي محدش لحاد دلوقتي قادر يستفيد منها ) وفي الصيف متنساش نفسك واديها كورسات وتدريبات عشان تطلع مهندس صح
كل سنة بيطلع الاف خريجي الهندسة من جميع الاقسام المختلفة...احب اقولكم ان مش كله بيشتغل للاسف..ولو فيه بيشتغل مش كله بيشتغل في الوضع اللي عايزه ( فيه مهندسين شغالين ب600 جنيه ) يبأى الحل انك تطلع غير العالم دي كلها...وتطلع انسان مختلف بجد حاول في الخمس سنين تشوف حاجة وتمشي فيها وتتألق فيها كمان...خليك مختلف عن الناس ... من الاخر متمشيش مع القطيع محاضرات وسكاشن وامتحانات وشكرا..لازم مسار كمان عشان تختلف عن الاخرين !!!
انا تحت امركم لو فيه اي استفسار عايزينه او سؤال 
|
حضرتك معاك حق في كل كلمة انت كتبتها و الله ...
فعلاً ...
المهندس مهندس بتميزه عن الاخرين ...
ممكن مهندس غزل و نسيج يبقى احسن من مهندس بترول ...
بتميزة و تفوقه و توكله على ربنا سبحانه و تعالى ...
جزاكم الله كل خير