اقتباس:
المشاركة الأصلية كتبت بواسطة جعلتني مهندسا
600 جنيه ايه بس
دحنا بنتكلم في الآلافات
وبعدين كورسات زي ايه ممكن ناخذها
|
بص
اهم الكورسات : كورس الحصول على شهادة icdl بتاعت الكمبيوتر و كورس الانجليزي
لكن طبعاً , في شركات كتيير بتعتبر الحكاية دي عادي
فممكن ماتبقاش مميز رغم ان معاك كورس الكمبيوتر و الانجليزي
طب ح تعمل ايه ؟!
تاخد كورسات كمبيوتر زيادة : برمجة او جرافيك و خلافه .... او ممكن تكمل دراسات عليا في مجال الكمبيوتر زي هندسة البرمجيات و نظم المعلومات و كده ...
و ح تاخد كورسات لغة زيادة : اختار لك اي لغة تانية و خد فيها كورس ... بس ما تاخدليش لغة موزمبيقي مثلاً و تقول لي اهي لغة جنب الانجليزي ...
لأ , تاخد كورسات في لغة زي الالماني , الفرنساوي , الروسي , الايطالي , الاسباني .....
طبعاً , انت اكيد ح تكسل تعمل كل ده و تكتفي بالاي سي دي ال و الانجليزي ...
لكن , الكلام ده للي عايز يبقى حاجة ...
و يا سلام بقى لو اخدت لغتين او تلاتة جنب الانجليزي ...
كده اكبر شركة في العالم تاخدك يا باشمهندس ...
القرار ليك ...و انت حر
جزاكم الله كل خير