[..Just Stop]

عدنا اليكم مرة اخرى
من داخل مطعم جرين كورنر بمدينة المنصور
بعد ماطلبنا الوجبات
الراجل النضيفابو كرافتة جه وحط الاكل والميه وظبط العمل
المغرب لسة مكنش أذن
الاسطورة مسك المعلقة وفى طبق الشربة طلع معلقة شوربة ورايح على بقه او فمه لو هتعملو فيها راقيين وكدا
لحقناه فى اللحظة الاخيرة
بمجرد ما المدفع ضرب والاذان اذن كل واحد ماسك سلاحه (معلقته ) وضربنا احنا فى الاكل
على اليمين اسلام بيضرب بشويش
اللورد على يمينه مش راحم
على شمالى الاسطورة مكنش راحم برضو نزل على طبق الشوربة خلص على امه احم ( عادى عادى )
اسلام طبعا اكمنه بيشرب
شاى كتير فمش بياكل كتير ضرب نص الكفتة واخد نص الكفتة عطاه للورد فرمه
فاللورد اتكثف وقام مكسر ( على راى اللورد ) النص فرخة وتقريبا شمط اسلام دبوسة وفرم الباقى بفراخه بطحينته بسلطاته
انا طبعا قربت اخلص نص الفرخة اللى ادامى فضل جزء صغير اديته للاسطورة لله فى لله كدا
واخدت نص الكفتة بتاعته
المهم اول ما قربنا نخلص الاكل كان فى طبق بابا غنوج كدا كان مستخبى اول ما الاسطورة لمحه فرمه هو واللورد
ربنا ينتقم منهم هما الاتنين
اسلام قام قبلنا من على الاكل لانه بيشرب شاى كتير والشاى سادد نفسه
وطبعا طلع على الحمام مش خوفا من الفاتورة لا دا علشان يغسل ايده
المهم غسل ونزل طلعت انا واللورد والاسطورة نغسل
اللورد كان هيفضحنا فوق تقريبا مش متعود على النضافة
والاسطور فضل يلعب فى شعره ادام المراية كميل يا خلاسى
نزلنا لقينا اسلام ماسك الفاتورة ومتنح
كان الحساب اى كلام كدا واسلام طلع الحساب ودفع وخرجنا متوجهين
لا ندرى الى اين نذهب
ولا من اين نجىء
و........
للمزيد تابعونا فى الجزء القادم والاخي باذن الله
دمتم فى رعايةالله