اقتباس:
المشاركة الأصلية كتبت بواسطة kemozzazz
ميرسى اوى بجد هو انت قسم ايه ؟؟؟
شكلك عمارة 
عشان لو كده استغلك بقى بما انى مش لاقى حد عمارة
وماعتقدش اننا عندنا اختبار بصراحه قدرات |
اولاً انا اسمي علي
ثانياً انا كنت في حاسبات و معلومات , بس طبعاً زدت درجة في علم النفس فنقلتني الى فنون جميلة عمارة اسكندرية ... طبعاً جبت لائق في قدرات العمارة في الثانوي
ثالثاً انا لسه زيي زيك .. اعدادي عمارة
رابعاً : لو حابب نتعرف .. اديني ايميلك
خامساً : طبعاً في اختبار قدرات ...
بمعنى انك مثلاً جبت في اعدادي جيد , و هندسة عمارة واخده تقدير جيد .... تدخل القسم , بس قبل ما بتدخله لازم بتمتحن امتحان قدرات ( تأهيلي ) ... لان مش اي حد للأسف يدخل القسم ده بالذات ...
علشان كده بيسموا كلية الفنون الجميلة (عمارة) بكلية المتدلعين ... لان فعلاً مش اي حد بيدخلها , و ح تلاقي معاك ولاد الناس و بنات الناس كنيييير ...
كذلك هندسة عمارة .... برضه مش اي حد يدخلها , و برضه ح تلاقي معاك ولاد الناس و بنات الناس كتييييير ...
اما بالنسبة لتسميته بتجارة هندسة ... فهو مش تجارة بمعنى التجارة ... هوا ممكن نقول عليه فن الهندسة ...
طبعاً لازم تعرف ان ادوات العمارة غالية و مكلفة جداً .... و عموماً لو عاوز تجيب ادوات العمارة فمفيش غير مكتبة سامي و هيا قريبة من كلية الفنون الجميلة في جليم ...
و لازم تكون حابب العمارة بشغف ... لانك فعلاً لو مش حاببها , ح تلاقي الموضوع صعب و ممل ...
طبعاً قسم عمارة الوحيد اللي بيبات في الكلية , لان المشاريع اللي بتتسلم كل سنة بتبقى طويلة و عاوزة تكتيك , فممكن تبات في الكلية عادي جداً ....
العمارة تعب ... فن متعب و لكنه ممتع ... لانه فن جميل و هو اساس الهندسة في رأيي ...
اما اللي بيتريق على الفنون الجميلة ... فلابد انه يعرف ان كلية الفنون الجميلة دي اعرق و اقدم من كلية الهندسة نفسها ... و هى من ارقى الكليات في مصر ... دراستها راقية و طلابها راقيين جداً و دكاترها مرتفعي الذكاء بنسبة عالية جداً ...
جزاكم الله كل خير