اقتباس:
المشاركة الأصلية كتبت بواسطة mohammedshebl
انا اخدت الرد بتاعك لانه شامل كل استفسارات الناس
بالنسبة لكورسات الكلية لكورسات فهيا فعلا بتختلف من كلية للتانية....يعني ممكن تلاقي كلية الدكاترة فيهم اقوياء وبيفهموك فمش محتاج خالص كورسات بس دي للاسف مش موجودة في اي كلية...دايما نلاقي ان كل كلية فيها دكتور قوي ودكاترة معاه ضعاف في المستوى والشرح...وممكن تلاقي دكتور مساعد هو اللي بيشرحلكم المادة !!!.. بس هرجع واقول ان لو انت ضامن انك تلتزم التزام تام وكامل بالمحاضرات والسكاشن وفاهم كل حاجة يبأى متاخدش كورسات...لكن لو حسيت الدنيا تايهة وخصوصا بعد الميد تيرم فأنصحك بالكورسات بس بشرط انك تكون فاهم ومتابع...والا انت كدا فعلا بتضيع وقت
بالنسبة للمواقع المفيدة فدا حسب تخصصك....يعني انتي عايزة تدخلي ايه ...كهربا كيميا طيران اتصالات بحرية ولا ايه بالظبط؟؟...كل قسم ليه حاجاته من النت...كل واحد يقولي هو في قسم ايه وانا هجبله مواقع وكتب مفيدة جدا جدا ليه وهتساعده اوي انه يفهم القسم بتاعه ويكون متخصص فيه
الحاجة الاخيرة بالنسبة لكورسات الصيف فالفكرة مش icdl وكورسات انجلش..لان اصلا الكومبيوتر والانجليزي بالنسبالك في شغلك عاملة زي انك بتعرف تقرأ وتكتب....هو مجرد انترفيو بالانجلش هيعرف مستواك حتى لو جايبله شهادات انجلش من جامعة كامبيردج نفسها...ونفس الموضوع للكومبيوتر فانا شايف ان ملهاش داعي الانجلش ليه طرق للتحسين احسن من الكورسات زي مثلا الافلام الاجنبية والمقالات الصحفية الانجليزية ومواقع البي بي سي عاملة قسم تعليم للانجليزية حلو وفي اسطوانات من النت برضه تخليك بيرفكت في الانجلش
الكورسات الكويسة حسب تخصصك برضه...الكهرباء ليهم كورسات والطيران والباور وكل قسم ليه كورسات ...فبرضه اللي عايز يعرف الكورسات يقولي هو قسم ايه واقوله على الكورسات المفيدة ليه وهتنفعه ...بس خلي بالكم...اغلى كورسات هيا كورسات الهندسة 
|
حضرتك يمكن تكون ادرى مني ...
انا يادوبك اعدادي عمارة - فنون جميلة (عمارة) ...
و يمكن انا فهمت قصدك غلط ... انت بتقصد يعني الكورسات اللي هيا زي الدروس الخصوصية ... طبعاً الكورسات دي الاحتياج ليها بيبقى ضروري في حالة ان الدكتور مش كويس في شرحه ... او المعيد مش بيفهم ..
لكن الطالب فعلاً لو حاول يفهم و يشغل مخه , مش ح يحتاج لاي كورسات خاصة بالمادة او .. او ...
اما بالنسبة لكورسات الانجليزي و الكمبيوتر , فمعلهش يا باشمهندس .... اسأل اي حد في اي كلية هندسة او غيرها ح تلاقيه بياخدها ضروري ضروري
لان دي بتبقى اول باب بينفتح قدامك للشغل
انا لو تابعت كل يوم افلام اجنبية و محادثات اجنبية , ابقى كده بضيع وقتي في البيت , لا ح اعرف اذاكر و لا ح اعرف اعمل حاجة .. ح ابقى متميز في الانجليزي و دكتور في الفشل .... !
اما الكورسات الانجليزي هيا يادوبك بتاخد ساعتين او تلاتة في اليوم .... بعد ما تخلص يومك في الكلية , بتروح تاخد الكورسات دي و من غير ما تذاكرها ... لان انت بتذاكرها في وقتها ... او بتفهمها في وقتها ... فدي تعتبر لا بتضيع وقت و لا حاجة !!
و لكن برضه الله اعلم و يمكن انت ادرى مني ... حضرتك خريج باشمهندس قد الدنيا ...
و ربنا يوفقك