انا حقتبس بس آخر رد كان موجود هنا وارد عليه الاول
اقتباس:
المشاركة الأصلية كتبت بواسطة طبيب عالمى قادم
ماشاء الله
|
ممكن اعرف ايه هدفك من تنشيط موضوع زي ده دون التعليق عليه
حتى ؟
دلوقتي حقتبس بعد الردود اللى عديت عليها بسرعة من البداية
اقتباس:
المشاركة الأصلية كتبت بواسطة المجاهد فى سبيل الله
ان اردت ان تسال عن الاخوان فلا تسال الا واحد منهم
|
مع احترامي الكبير لحضرتك
يمكن الكلمة ده مكتوبة من سنتين فممكن نقول عليها صح
لكن دلوقتي معتقدش حتبقى صح
ليه ؟
لأنه الاخواني مش بيتجوز غير من اخوانية وبالتالي الابناء بيكونو اخوان بالوراثة
ومش لازم يبقو مقتنعين بيها
وفيه فعلاً حالياً اخوان ومش كويسين عادي
اعرف واحد شخصياً كان بيكلم بنت ابوها اخواني عادي يعني
فجماعة الاخوان دول مش كتيبة جنود الله تم تدريبهم وتفقيههم في الدين جيداً
وهم في الحقيقة لا يزيدون عن كثيرين من المسلمين الطبيعيين بشيء
اقتباس:
المشاركة الأصلية كتبت بواسطة كركركوكو
انا بس هقول حاجه بسيطه جدا
لو حبينا نحكم علي الاخوان
مش هينفع نروح لواحد منهم ونسأله انتم عاملين ايه وحلوين ولا لاء
طبعا مش هينفع
ومينفعشي اروح لواحد من الحزب الوطني واقوله الاخوان عاملين ايه
هيقولي دول ارهاب
|
ده اللى بسميه سياسة المحايدة وهو عدم الحكم على شيء دون سماع الرأي والرأي الآخر
اقتباس:
المشاركة الأصلية كتبت بواسطة P h i l o n o i s t
قريت الموضوع
وقريت الردود
بس للاسف مش هقدر اصدق اي حاجة منها
الكل بيفكر من منطقه في فكرة هو
الكل عايزنا نبدا من النقطه اللي وصل ليها في التفكير
يعني واحد عايزنا نناقش ما بعد الاخوان كويسين
مش البحث في اصول الاخوان
والتاني
السلف احق
مش البحث في اصول السلف
ممكن رأيي ميزودش ولا يقلل
بس انا بتقي الشبهات
انا بصلي و بصوم وبأمر بالمعروف و بنهي عن المنكر و بذكي و مؤمن بالله في اول حاجة طبعا و كتبه و رسله و القضاء و القدر
ده اللي انا اعرفه
انا اسمي مسلم
مسلم و بس
الله ربي
ومحمد - صلي الله عليه و سلم - نبيي و رسولي
اي كلام غير كدا و اي جماعه لا اعترف بيها اطلاقا
دي وجهه نظري الشخصيه
الي ان اكون وجهه نظر شخصيه لوحدي
باني اقري عن السلف الرأي و الرأي الاخر
واقري عن الاخوان الرأي و الرأي الاخر
وبرده في الاخر هقول انا مسلم و بس
شكرا علي المجهود
-----
ملحوظه
ياريت يا جماعه اللي عايز يفكر و يوصل لنتائج سليمه
يتبع مبادئ الفكر الصحيح
اصول الاشياء
مش باخد اخر كلمه و اكمل عليها
وياريت محدش يتكلم علي اساس انه كلامه قرآن منزل
وبراحه شوية في المناقشه
الجماعتين يحتملوا الصواب و الخطأ
مهماش ملائكه الرحمن يعني |
كلام احمد رضا غطى على كل اللى كنت عايز اقوله بصراحة
اعتبروني قلت نفس الكلام 
اقتباس:
المشاركة الأصلية كتبت بواسطة الاستاذ محمد سرور
عن عوف بن مالك أن النبي صلى الله عليه و سلم قال:"افترقت اليهود على إحدى و سبعين فرقة ، فواحدة في الجنة و سبعين في النار ، و افترقت النصارى على اثنين و سبعين فرقة فواحدة في الجنة و إحدى و سبعين في النار ، و الذي نفسي بيده لتفترقن أمتي على ثلاث و سبعين فرقة ، فواحدة في الجنة و ثنتين و سبعين في النار ، قيل يا رسول الله من هم ؟ قال : هم الجماعة"
قال فيه السخاوي رحمه الله: رجاله موثقون.
قال أحمد شاكر رحمه الله: إسناده صحيح.
قال الألباني رحمه الله في السلسلة الصحيحة: إسناده جيد رجاله ثقات.
|
طبعاً بعد الرد ده كده الاستاذ محمد سرور جاب من الآخر
طبعاً اسلوب كل واحد بينم عن ثقافته أولاً وجماعته ثانياً
فأحدهم يستهزئ والآخر ينفر ويطالب بعد الرد في سبيل عدم الجدال
وليا كام سؤال استفهامي كده لو حبيتو تنشطو الموضوع يعني
إذا النبي صلى الله عليه وسلم نزل بالاسلام
فعلى أي جماعة وأي منهج كان يسير الصحابة ؟؟؟
ما هو الشيء المفتقد عند المسلمين الطبيعيين السنيين الذي تم إكماله بجماعة الاخوان المسلمين او السلفيين او اي جماعة مماثلة ؟؟
او بتعبير مختلف
ما حكم المسلمين العاديين وايه الفرق بينهم وبين الاخوان او السلف ؟
لو حد عرف يجاوب على دول بحاجة مقنعة
جايز افكر انه يكون المنهج بتاعي ده غلط ولا حاجة
مهو لازم كمسلم عادي اناقش برده الجماعات