يا جماعة انا شايفة ان الموضوع دة لو حصل مافيش مشاكل وخلينا ايجابين شوية كدة كدة الدكاترة بتوع تجارة بذات معقدين
وملهومش لزمة الا قلة وبالنسبة لانتساب احنا بنبقي عاملين زي اللي قاعدين في قفص كله فوق بعضه ولا سامعين الدكتور ولا فاهمين حاجة وفي الاخر بنزهق ومابنحضرش ونروح نشتري ورق المراجعة من المكتبات طب ما هم وفورا ايه اللي يقرفنا في زحمة المواصلات والحر والخنقة ونخرج من بيتنا، الدكتور هيطلعلنا في التليفزيون عجبنا كلامه نتفرج معجبناش:abdoog8: نقلب عليه وعلي الاقل مش هنبقي تحت رحمة
الدكتور فانه يقرر جزء كبير او صغير من المنهج او مايشرحوش و دة غير التوفير في الوقت يومك هيبقي اطول بكتير وتقدر تذاكر براحتك و هنا علي الموقع كلنا بنساعد بعض وبنزل محاضرات وامتحانات الوحش اللي في الموضوع دة ان الجامعة جزء منها ترفيه عن نفسنا من قاعدة البيت وبنشوف صحابنا وننبسط معاهم طب ما ممكن كل واحد يتفق مع صحابه علي الاقل يرحوا الجامعة مرة كل اسبوع
ولو محصلش الموضوع دة كله يبقي خير وبركة ولا كأن حاجة حصلت وادينا اتعودنا علي حرقة الدم كدة كدة في كل الاحوال ولا إيه رأيكوا؟