[جمال سراج]

اعتقد فعلا ان كتب المدرسة دى ملهاش لازمة وخسارة الملايين اللى بتتصرف عليها
بجد الولاد فى التعليم الفنى لا يفتحونها ابدا - يا ناس صدقوا
وفى التعليم العام ليس لها فائدة ما دامت الكتب الخارجية شغالة الله ينور
كان زمان هناك من يقوم بعمل الكتاب المدرسى ويشترك فى وضع كتاب خارجى
وكان الكتاب المدرسى مرجع للمعلم قبل التلميذ
الوقتى فضوه من المضمون بدعوى شيل الدش والحشاوى والتكرار ورموا كل الحمل على المدرس
كان زمان مدرس متعين جديد يقدر يفهم من كتاب المدرسة ويعلم
الوقتى والله لو كان ميعرفشى مش هيعرف ابدا
كتب الرياضيات بها مسائل غير واقعية واحيانا كتير غلط اصلا
مثلا كان فيه مساله تطبيق على حل معادلتان فصل به بنات وبنين ولما تحل المعادلتين مثلا تلاقى ان عدد البنات سبعة وعشرين ونص مثلا اى والله والولاد بردو كدا بالانصاص
اعتقد كان يقصد يقول 27 وطفل فى كى جى
دا دليل على انكتير من اللى بيطور لا بيفكر ولا حاجة بيغير دون تجريب ودون تفكير ودون واقعية

ياريت حاجة من اتنين يا يلغوا الكتب الخارجية مطلقا يا يوفروا فلوس الكتب المدرسية
ونسيبنا بقا من نغمة الامتحان من كتاب المدرسة والكلام دا لان الكتب الخارجية بالتاكيد بتعرض افضل واكتر واحسن واشيك!!!
تحياتى