انا الحمدلله انتظام
بصوا يا جدعان .. انا شايف ان فيه ناس كتيرة اتكلمت في الموضوع بتاع الغاء انتساب
بالنسبالي انا مش هاقدر افتح بوقى لغاية ما الخبر الأكيد يبان ..
عشان انا من ساعة مادخلت المنتدي هنا اتعودت اني ماقولش الا الخبر الأكيد
وانا حالياً مش متأكد ..
بالرغم من ان معظم الأخبار بتقول ان انتساب هايتلغي
وان انتظام كل مجموعة اتقسمت لمجموعتين مع ثبات المنهج والامتحان
بس برده كل دا انا مش متأكد منه ..
الرؤية الأكيدة ان شاء الله هاتبان اوي في لحظة نزول الجداول
اذا كان فيه جداول لانتساب يبقي كدا فيه محاضرات لإنتساب
لو مافيش جداول لانتساب يبقي كدا انتساب هايقعدوا في البيت ياكلوا لب
واهو اللب افيد من تقشير البطاطس برده
!!
هوا انا عارف ان دا خبر منيل بستين نيلة بالنسبة لطلبة انتساب ..
بس هاتعملوا ايه
؟!
نصيبكوا كدا والله .. بس اذا الكلام اللي اتقال دا هايتطبق ..
يبقي دا هايتطبق ان شاء الله لغاية ما الهوجة بتاعة انفلونزا الطيور دي تروح
يعني انتساب في السنين الجايه ان شاء الله ليهم محاضرات برده في الكلية عادي جدا
بس طبعا الخبر اللي الكل بقي عارفه دلوقتى ان دفعة السنة دي
هيا اخر دفعة انتساب في تاريخ الكلية خلاص
والله هاتوحشونا