أحمد محمد
دخلت علوم ليه؟
بص أنا أصلا كان فيه عندى حلمين من وأنا صغير
واحد أنى أدخل هندسة لأنى بحب الرياضة جدا جدا
والتانى أنى أدخل علوم لأنى بردوا بحب الكيمياء والفيزياء جدا
لما خلصت تانية ثانوى كنت عايز أدخل علمى رياضة عشان هندسة بس لقيت بابا يعنى مش راضى
هو مكنش هيفرض عليا حاجة بس أنا حبيت أرضيه وخلاص
دخلت بقى علمى علوم عشان صيدلة بردوا مكنتش زعلان لأن صيدلة قريبة الا حد بعيد من علوم مواد متشابهة وكده
بس قدر الله وماشاء فعل كان ليا نصيب فى علوم الحمد لله
بالنسبة لناوى على ايه ؟
بص أولا ناوى ان شاء الله تقدير كويس فى اولى لأنه هيساعدنى بعد كده
نفسى أخلص الكلية فى أقل من 4 سنين لو ينفع بنظام الساعات المعتمدة ده
بعد م أخلص ان شاء الله أكون معيد واخد دبلومة تحاليل وأفتح معمل
وأكمل دراسات عليا لأنى نفسى فى دكتوراة
ولو ينفع يعنى أبقى عالم ولاحاجة يعنى
بالنسبة للشغل فيه حاجات كويسة ياما المعمل بتاع التحاليل ياما أشتغل فى شركة محترمة
وبس ده كل حاجة
فى حفظ الله
__________________
|