اولا احب اشكرك يا شاعر الصمت علي الموضوع الجميل ده
ويارب نعرف نخرج منه باي افادة
ثانيا السلبيات اللي انتي قلتها في الموضوع
انا طبعا اتمني حلها كلها
وهبتدي اشوف طريقة للحل
(1) الردود لمجرد المجاملة
هي طريقة غير محببه بالنسبة لي
بس هي لابد منها كتشجيع للاعضاء
وحلها في ايدينا احنا موضوع في حاجه غلط ممكن تقول عليها وتنقد وتتكلم
وموضوع كويس وعجبك لازم تقول عجبك وتشكر صاحبه بس اللي انا عايزه منك انك بعد ما تقوله شكرا ياريت تقول ايه اللي عجبك في الموضوع
(2)الأهتمام بمواضيع هايفه
دي مشكلة كبيرررررررررررررررررة وملهاش اي حل غير ان كلنا نحاول نرتقي بفكرنا شوية وندخل ندور علي الافادة
مش ندخل نلعب
وده طبعا مش بقولكم ممنوع اللعب لاء العبوا وهزروا بس بحدود ما يبقاش اكبر منتدي فيه مشاركات المنتدي اللي فيه الالعاب الكتابية
ياريت نحلها
(3) الحرب القائمة
بين الولاد والبنات
من اكبر السلبيات اللي انا برضه مش عارف سببها
هل الطرفين بياخدوا فعلا تحدي
ولا نوع من انواع الهزار والدعابة
انا مش فاهم حاجه في الموضوع ده
(4)حكاية الشعر
ليست مشكلة بالمرة
اللي عايز يعبر عن اللي جواة يعبر
ويقول ويحاول كذا مرة
واكيد هيكون هناك مشرفين في قسم الشعر يقوموهم ويحاولوا يقولولهم اخطائهم لحد ما يوصلوا لدرجة كويسة في الشعر
وربنا يكتر شعراء المنتدي مفيش منهم اي ضرر
(5) المواضيع المنقولة
اعتقد ان الموضوع ما يتنقلش الا اذا كان موضوع جيد
وغير كده مالوش لازمة ننقلة
واكيد لازم في اي موضوع يتنقل انك تكتب انه منقول
فتخيل نفسك وانت كاتب موضوع تافه
وتكتب في اخره منقول
وانت عمرك ما هختنقل غير مواضيع جيده
|