يا جماعة مافيش حاجة اسمها الأماكن المتبقية في الجامعات للشهادات المعادلة العملية بتم بدراسة و احصائيات من وزارة التعليم العالي و رئاسة الجامعات ..
هما عدد مقاعد دراسية في كل الكليات للشهادات المعادلة قبل حتى تنسيق الثانوية العامة مبنية على احصائيات السنين اللي فاتت و المتبقي في عمليات التنسيق لكل مراحل الحاصلين على الشهادات المصرية بيضيفوها للأماكن اللي خصصوها للشهادات المعادلة ..
يعني العملية مش ماشية كدا العملية ماشية بدراسة متقنة بعدين الحدود الدنيا للتخصصات تحدد بعد التنسيق و ليس قبل التنسيق لأن كل دولة عربية ليها تنسيق مختلف عن الدولة التانية
انا هندسة 2001 جيت من دولة الأردن اللي اتقدم في السنة بتاعتي بس 20 مصري ... و كان مخصص للطلبة المصريين المتقدمين من دولة الأردن 100 مقعد جامعي منهم 30 مقعد طب و 30 مقعد هندسة و الباقي بقاي التخصصات
و بما ان المتقدمين كانوا بس 20 مصري .. يوم النتيجة لما رحت طبعا ما كانش لسا النتايج بتنزل على النت كنت لازم تروح هناك و تتفرج على الكشف بنفسك .. كلهم دخلوا طب ال 19 واحد و انا الوحيد دخلت هندسة لأنها رغبتي الأولى و الطب خد حد أدنى لدولة الأردن 60% !! و الحد الأدنى للهندسة اللي هوا اتبنى على اختياري انا 86%!!
يعني الحد الأدنى دا بيبان بعد عملية التنسيق مش قبل عملية التنسيق
لنفرض محدد لطلبة عمان 20 مقعد طب هياخدوا أول اعلى 20 مجموع رغبتهم الأولى طب و الطالب رقم 20 هو الحد الأدنى لقبول الطب لطلبة عمان !!
يا ريت يكون كلامي وصل للجميع و بالتوفيق
|