Changes on Me
بداية أنا حتكلم بس بعشوائية في الفقرة دي علشان مش حعرف أرتب أفكار لأني حاجات كتير إتغيرت في حياتي بس حسرد المهم اللي فيها حبدأ مع حبيبة قلبي اللي غيرت فيا كتير أول حاجه هيا عملتها فيا خلتني متفاهم مع الناس أكتر يعني كنت في الأول حاسس بالنقص كتير بقيت دلوقتي واخد في نفسي ثقة أكتر بقت شخصيتي جذابة أكتر وبقيت شخصية محبوبة أكتر من الأول وأكتر حاجه غيرتها فيا هيا تعاملي مع البنات بصفة عامة وحشرح الحتة دي بطريقة يمكن تكون غريبة بس حتوضح قصدي أسهل حقارن نفسي بزمان يعني زمان كنت أشوف أي بنت جميلة كنت أدلق عليها بمعني يبقي نفسي أكلمها وأعرفها وعمري في لحظة مفكرت في أخلاقها ومعايرها بل الأدهي إن هيا حتي لو بنت وحشة وبنت ناس سعات أحس إني عاوز أكلمها وبردو بتجاهل كل المعايير والاخلاق دلوقتي أقدر أقول فيه حاجات كتير ممكن أقول بتحكمني زي الاخلاق والحجاب والصلاة وحاجات زي كده حاجه تانية إتغيرت إني حاسس بعبء مسئولية كبيرة بس مش بشكل عملي بمعني إني حاسس إني عليا مسؤلية بس أنا مش شايل هم حاجه لإني داخل كلية وكل مقول لبابا وماما عايز اعمل مشروع ولا حاجة يقولولي خليك وخلص كليتك الأول وحنعملك كل اللي إنتا عايزو دا فوق كده إنهم خلوني أقعد مدينة جامعية حاجه كمان إتغيرت فيا إني بقيت أحب إخواتي البنات كتيييييييييير أوي وأكترهم سندس دي بقيت حبيبة قلبي ودلوعتي وعلي فكرة قولولي مبروك أختي إتكتب كتابها الشهر اللي فات حاجات برضوا حاسس إنها إتغيرت فيا إني حاسس إني بقي فيه مساحه كبيره في حياتي بس ده سببه إني مبقتش ملتزم دينيا زي الأول يعني كنت زمان بحس إني بعمل حاجات كتيرة كنت حاسس بالاثارة في الدنيا حاسس إن لها طعم يعني بزعل كتير وبفرح كتير وبعمل حاجات كتير دلوقتي الملل واخد مساحه كبيرة في وقتي والتفكير فحاسس إني بقيت فاضي وحياتي فاضية
إدعولي بالتوفيق