[theotherface]

المشاركة الأصلية كتبت بواسطة ma7moud_442

السلام عليكم

أزيكم كلكم يا رب الكل يكون بخير
أنا محمود من أسكندرية معاكم فى الكلية
يا ريت أكون واحد منكم فى الرابطة الجميلة دى وربنا يوفقنا كلنا بإذن الله

طبعا انت منورنا ياباشا اهلاين بيك فى رابطتك ......

المشاركة الأصلية كتبت بواسطة titto19991

يا شباب انا مش متحمس اروح بكرة هو في حد رايح ؟؟و مين الي حيتجول بينا

ولا انا رايح هو شكله كده مفيش حد هيروح واروح علشان اتجول فى الكليه ليه من المعالم الاثريه هى طب مانا هبقى اروحها يامه بعد كده مش هتفرق يعنى ......

المشاركة الأصلية كتبت بواسطة eng_emy

ازيكوا يا احلى رابطة فى الدنيا كلها
هزرنا وضحكنا وفطسنا وكلنا تورتة ومانجة كمان
عايزين ايه تانى
ندخل فى الجد شوية بقى
بصوا بصراحة انا كنت عمالةمن زمان
ادور اكتب ايه
لاننا تقريبا كتبنا كل حاجة
عن الاقسام والمواد والدكاترة والكلام ده
ومكنتش عارفة نكتب ايه تانى
دى شوية حاجات كدة جيباهلكوا
عشان كل اللى داخلين اعدادى
ان شاء الله يجيبوا تقديرات حلوة
مش حتنازل عن امتياز او جيد جد
فاااااهمين ولا اجيب الفنكة
وطبعا كلنا عارفين ان الكلية غير الثانوية العامة خاااااااالص


طبعا طريقة المذاكرة تختلف من طالب لآخر حسب استعداده النفسى وظروفه البدنيه والنفسيه والأسرية يعنى العوامل اللى بتحدد مدى توفير جو هادىء ومناسب وتخصيص عدد ساعات طويلة للمذاكرة وامكانية الترفيه القصير والعوده وهكذا وعدم تحمل مسئوليات أخرى من الأسرة أو من غيرها وقت المذاكرة وجو التوتر... الخ
وعدم انشغال الذهن بأمور أخرى برة المذاكرة وعدم المذاكرة أول بأول يعنى أد ايه متراكم بدون مذاكرة ..الخ
ومنها التشويش كوجود كاسيت جنبك أو ناس صوتها عالى ... أو ناس بتذاكر فى مجموعة
وطبعا كل طالب وطالبة بيختار الأفضل له حسب استعداده النفسى والمادى وظروفه الخاصه


كلامنا هنا هيبدأ من لحظة جلوسك على كرسى المذاكرة

أذاكر ازاى ؟
بس أنا عاوزة أتكلم عن حاجه مهمه أوى قبل مقول طرق المذاكرة:

( 1 ) توفير الوقت
( 2 ) لازم أحدد هذاكر منين

أولا توفير الوقت :

كلنا عارفين أن الكليه جد مش زى أى كلية تانيه يعنى لازم شغل وتعب فنحاول بقدر الإمكان منضيعش وقتنا أنا بقول الكلام ده وانتو مبتحسوش بيه الا عند النتيجه لما تلاقى زميلك نلجح وانت شايل أو مدبلر – لا قدر الله – بس مش معنى كده انى أتكتم واتحبس وأتخنق فى معسكر مغلق بدون أى ترفيه لمدة خمس سنوات
أنا مقولتش كده لازم تكون صداقات ويكون لك أصحاب ومفيش مانع من الرحلات المباحة وتنمية بعض الهوايات وممارسة بعض النشاطات والسمر مع الأصدقاء وايه المانع انى أكون مشترك فى فريق الكلية بتاع كرة القدم
(ماشى يا عماد )

كل ده جميل ولا يتعارض مع النجاح بتفوق فى الكلية ولكن احنا مش بنعرف نحسبها صح

بمعنى اننا بننسى نفسنا مبنعرفش نوسطن الأمور .. معندناش وسط .. يامقفلين خاص يافاتحينها ع البحرى
لو اتعملت الأنشطة دى بتوسط وبجرعات قليلة معقولة هتلاقى نفسيتك اتجددت ونشاطك زاد وبقيت أفضل وطاقتك فى المذاكرة هتزيد

بس فيه حاجه مهمة جدااااااااااااا
فيه بعض الواجبات الكتابية مثل كراسات العملى

ليه نسيبها تتراكم علينا طول الترم ونقعد نرغى فى السكاشن فى كلام فاضى ونتزنق آخر الترم ونضيع فيها يوم كامل أو يومين والوقت فى آخر الترم بيبقى قاتل كل ثانيه ليها تمن ........ صح ولا لأ ؟
ايه المانع إنى أكمل كراستى سكشن بسكشن فى قلب المعمل يبقى شلت من على دماغى حمل كبير


- مصادر المذاكرة في الكلية هو:

* كتاب الدكتور (أحيانًا يكون مفيدًا!).
* ورق المحاضرات: من إعدادك.. أو من زملاءك..

- فن توقع الامتحانات في الكلية:
* المحاضرات الأولى... والأخيرة... خاصة التي يقل فيها عدد الطلاب... مرشحة لتمثيل جزء محترم من الامتحان.
* الأجزاء التي يركز الأساتذة على شرحها بالتفصيل الممل... بالرغم من (الجري) في باقي المنهج... مرشحة للامتحان.
* الأجزاء التي التي يصرح استاذ الجامعة بأنها (جاية) في الامتحان... غالبًا ستأتي في الامتحان!
* العديد من الأساتذة يدمنون تكرار الأسئلة إما كل سنة أو كل بضع سنين... لذا تمثل الامتحانات السابقة (معينا) طيبًا لتوقع الامتحانات.
المذاكرة البناءة هي المبنية على معرفة أهمية الجزء المذاكر... وكيفية وضع أسئلته... خلاف ذلك = إرهاق بعائد ضعيف!

- المراجعة الفعالة: مراجعة كذا مرة سريعة أفضل من مرتين ببطء... وتكون المراجعة بأسلوب: كيف سيتم سؤالي عن هذا في الامتحان؟... ضع أسئلة لنفسك تستوعب المنهج أو الجزء من المقرر الذي ستمتحن فيه...

- أفضل صور المذاكرة الجماعية: أن يذاكر كل زميل جزئية أو مادة ويشرحها للآخر... فتثبت المعلومة للأول... وتسهل للثاني... ويتم توفير الوقت عما إذا قاما بمذاكرتها لوحده


طبعا عارفين ان الكلام ده مشحوت

شكرا بجد على الكلام الحلو ده بس انا شايف ان صعب الواحد يمشى عليه يعنى علشان منضحكش على بعض انا مكنتش بعمل كده فى ثانوى هعمله فى الكليه

المشاركة الأصلية كتبت بواسطة titto19991

http://www.facebook.com/topic.php?to...726&topic=9780

رابط حلو اوى وكمان الصور اللى نزلتها قبل كده كانت جامده بجد شكرا على الشغل ده بجد ميه ميه .............