[أحمد شعبان 2009]

المشاركة الأصلية كتبت بواسطة قطوف دانيه

السلام عليكم
الاخ احمد شعبان والاخوات الماسه وفجر الاسلام
شكرا لكم جميعا على هذه النصائح
اتمنى ان تجيبونى
انا فى مادة الفيزياء والرياضه مش زكيه يعنى طالبه عاديه ومع انى بذاكر الحمد لله على كل حال عمرى ما جبت فى حاجه فيهم 19 من 20 الحمد لله
لكن ربنا وصلنى لسبب تاخرى فى المادتين اللى سببه وهو
انى وانا بحل اى مساله ببدا وبقول بسم الله وبعدين وانا لسه ببدا بيجيلى احساس داخلى انى مش هوصل للنتيجه وبعدين لما اوصل لنصف ا لمسأله بتاكد انى غير قادره على حلها وفعلا ما بوصلش
وفى حاجه كمان ربنا يعنكم
انا فى عيبيوب السرعه و عدم الثقه الكليه فى النفس ودايما بحس انى اقل فى الذكاء والتفكير من زميلاتى والحمد لله على كل حال وكمان عصبيه جدا ونفسى اعالج العيوب دى لانى انا متاكده انى مش هوصل لحاجه بسببها
جزيتم جميعا الخيرات الحسان
واعانكم الله على معاونت كل من يحتاج المعاونه
وجزاكم مثله
وارجوا من اى حد الاجابه على هذه الاسئله
والسلام

وعليكم السلام ورحمة الله وبركاته
ان شاء الله سنقدم كل ما في وسعنا
بالنسبة لموضوع الفيزياء والرياضة ده احساس كنا بنحسه كلنا لكن الخطأ انك تيأسي من المسألة كملي معاها لو موصلتش حليها تاني وراجعي الحل اكيد فيه غلط ولو تعسرت الامور قوي خدي المسالة للاستاذ وبعد اما تعرفي الحل انقلي المسالة وحلها في ورقة خارجية وسميها ورقه المسائل الصعبة وكل شويه ارجعي ليها وراجعي عليها تاني علشان الافكار محدوده والمسائل بتتكرر وربنا يوفقك وانا متابع لو فيه اي حاجه
أما بالنسبة للموضوع التاني ده
هو ده أكبر غلط يا قطوف دانية المفروض انني بنمي زكائي باستمرار وبالدعاء ولازم تثقي في نفسك واعلمي علم اليقين ان الله الكريم اجري عادته بكرمه ان من سلك سبيلا واخذ بالاسباب ان يعطيه ما تمناه وشيلي حكايه الكليه دي من دماغك انا اعمل اللي علي والباقي علي ربنا