[أميرة الأحلام]

ياه الموضوع ده رجع للواحد ذكريات كتير ..........
احم احم
نبدأ بأه نحكي حكاوي الثانويه .........
مره كنا قاعدين في درس الاحياء واصلا كانت مجموعة الاحياء صغيره قوي كنا 5 بنات بس وفي مره المستر صمم انه يدينا حصه يوم الوقفه قبل العيد والواحد كان تعبان جدا وكانت كل الدروس مكومه في اليوم ده .
وهو كان عامل لينا امتحان وبعد كده كان هيبدأ يشرح في باب الدعامه والحوكه (كان اوله رخم) وبعدين وهو بيشرح واحده من اصحابي سألت سؤال وهو قعد يشرح ليها فأنا قلت اغمض عينيا شويه انا تعبت قوي عندي صداع وبعدين هو لاحظ ان انا نايمه وقعد يكمل كلامه وهو بيبصلي قوي وانا مغمضه وهاتك يا نوم (خخخخخخخخخخخخخ)وفجأه سمعت الناس بتضحك فتحت عنيا لقيته بيبصلي وفجأه قالي
ايه هو انتي كنتي بتقرأي علينا المعوذتين ولا بتحضري لينا عفاريت ولا ايه وانا سمعت الكلمه وغرقت في اللضحك وقعدت اضحك واقوله لا والله يا مستر انا بس كنت تعبانه شويه
المصيبه ان انا مكنتش عارفه ابطل ضحك والمستر وقف الحصه لحد ما حضرتي تخلص ضحك (ديموقراطي جدا ) وصاكبتكم كل شويه تكتم الضحكه وتروح ضحكه فجأه وقضيت بقيه الحصه كده كل شويه انفجر في الضحك والمستر يوقف الحصه لحد ما اخلص .
وحمدت ربنا انه مترضنيش بره (قبل العيد بقه كل سنه وانتو طيبين)