بص يا بشمهندس تيتو احنا مش بنقولك انك تنسحب وللا حاجة احنا كل ما في الأمر اننا مش مصدقين ان واحد من اول خمس ست أعضاء مشاركين في الرابطة (زي ما انت قلت) يقول علينا كده ويقول كلمة ممكن تجرح الكل وزي ما تيجي تيجي ...فأكيد ما تتوقعش منا اننا نسكت وما نتكلمش واكيد زي ما انت قلت انك ما كنتش متوقع كده وزي ما انت برضه ما بتحبش الاعتذار او التراجع عن اي كلمة قلتها ...انا برضه نفس الكلام ومش حعتذر اذا كان فيه في الطريقة اللي رديت عليك بيها اي حاجة ما عجبتكش لأن ده الطبيعي
...أما بقى بالنسبة لحكاية اصحابك اللي وقعوا ما بينك وبيننا زي ما بتقول فانا مش حقول اكتر من اللي عماد قاله لما قالك ان اي كلمة تتقال المفروض انك تفكر فيها هي صح وللا غلط وبرضه قبل ما تظلم حد عمال على بطال تفكر
انا طبعا انا بكلمك من عشمي لاننا زي ما قلت وحفضل اقول اخوات واصدقاء وما ينفعش انك تقول اننا مش عايزينك او حتى تفكر في كده بس الهجوم اللي كان عليك بسبب الذهول اللي جالنا من اسلوبك وتعبيرك عن اللي انت عايز تقوله وده كان رد فعل طبيعي ومش عيب على فكرة اننا نغلط عادي كلنا بشر بس الاهم اننا ما نكررش الغلط تاني وقبل ما نظن في حد ظن سوء نفكر بعقلنا الاول وع الاعموم يا بشمهندس كلنا اصدقاء واخوات والموضوع خلاص خلص وما فيش اي حاجة بس من فضلك لو انت شايف اي حاجة مزعلاك من اي حد فينا واجهه شخصيا وانا عن نفسي بقول لأي حد لو حد شافني غلط في اي حاجة يقولي مباشرة من غير ما يقول كلمة مش عارفين مين المقصود بيها على العموم خلاص اللي حصل حصل بس يا ريت زي ما قلتلك لو انت شايف حد فينا غلط تقوله علطول واحنا حنتقبل النقد
وشكرا
|