اقتباس:
|
زى ما فامبير قالك اللى هيحكم فى الموضوع ده هو الجدول واسمع كلامى المشكلة فى المحاضرات لو اتلغت مش فى دخول الجامعة لانك تفدر تخشها كل يوم
|
كلام سليم ومنطقى .. وزي مابيقولوا اللي مايعرفش حاجة بيقول ايه ........ ؟!
اقتباس:
|
وبالنسبة لموضوع الكتب متهيالى مفيش حد بيجيب كتب كل بيعتمد فى الاخر على المذكرات والتلخيصات
|
والله دا بيعتمد على كل واحد .. ماتقدرش تقول ان كل الناس بتعتمد على الملازم
انا واحد من الناس بعتمد على الاتنين .. لا بعتمد على الملازم بشكل كلي لإني لو عملتها هاضيع
وفي نفس الوقت مش بعتمد ع الكتاب بشكل كلي .. لإني لو عملتها مش هاخلص من رغى الكتاب !
فانا بشوف الاسئلة اللي متكررة كتيرة في الامتحانات السابقة واذاكرها من الكتاب
عشان ابقي ضامن اني هارغي في الامتحان
اما الاسئلة اللي هيا بتبقي عادية في النص دي فادي بتتذاكر من الملازم عادي بره
بس خدوها معلومة مني ليكوا وللزمن ..
اللي بيعتمد على الملازم بشكل اساسي .. ممكن يضيع
الكتاب لازم يكون موجود عشان ساعات بيسند
وفي الاول وفي الاخر .. كل واحد بيشيل نفسه .. واللي عايز يعمل حاجة بيعملها
اقتباس:
حاجه مكنتش متوقعه ابدا
ممكن ندرس ف الصيييييييييييييييييييييييييف
|
عادي ليه لأ ؟! .. اصلكوا برده مش تاخدوا الامور دي بحساسية
وتفضلوا تقولوا الحكومة غبية والحكومة مابتفهمش
يا جماعة فكروا تفكير واقعي شوية
الناس دي مش عايزة تحول الكام حالة اللي حصلوا دول لوباء ينتشر مابين الناس
فابتحاول تقطع الاسباب المؤدية للوباء من جذورها .. حتى لو كان دا من خلال انهم يلغوا الدراسة ذات نفسها
هوا اه اي نعم انا هازعل لو الدراسة اتلغت او حصل اي تأجيل .. بس كله للمصلحة العامة برده
ماهو زعلي على التأجيل .. اكيد عمره ماهايبقي زي زعلي على واحد صاحبي او قريبي يجيله انفلونزا خنازير
بسبب ان فيه جامعة او دراسة او ما شابه .. اظن كلامي صح ومايزعلش في حاجة
حكاية بقي ان انتساب تم الغاءها و ان انتوا الحيط المايلة اللي ادارة الجامعة بتميل عليها وقت الازمات
عايز اقولكوا ان انتساب اصلاااااا مكانلهاش وجود ..
تاريخ بدأ انتساب .. كان من خلال دكتور مفيد شهاب اما كان رئيس لجامعة القاهرة
قبل مفيد شهاب كان انتساب دول مالهومش محاضرات وبييجوا في الامتحانات وبس
اما جيه بقي مفيد شهاب .. قام هوا اللي عمل محاضرات لانتساب .. وخلا انتساب وانتظام شبه زي بعض
يعني في الاساااااااس انتساب اصلا مالهاش وجود في الكلية
وعشان مش تفهموا كلامي غلط او ان انا مثلا باجي على بتوع انتساب ..
انا نفسي كنت في انتساب لغاية السنة اللي فاتت .. وربنا كرمني وحولت ..
واول سنة ليا في انتظام هاتبقي السنة دي ..
عشان كدا عايز اقول معلومة ظريفة اوي لدفعة 2009/2010 انتساب جامعة القاهرة ..
أولاً : دفعتكوا لازم تنتحر في المذاكرة السنة دي عشان تحولوا انتظام
عشان مايحصلش معاكوا حوار انفلونزا الخنازير دا تاني
ثانياً : اي حد هايسقط ويعيد السنة مش هايبقاله مكان السنة الجايه .. هايتحول للتعليم المفتوح
يعني ساعتها مش هايبقاله غير يوم الجمعة بس انه يحضر فيه محاضرات الاسبوع كلها !!
اقتباس:
|
ربنا يسسسسسسسسسستر علينا وعلى بتوع انتساب اللى هيجيلهم صدمه يا عينى والله صعبانين عليا
|
والله وانا كمان صعبانين عليا جدا .. بس هاتقول ايه ؟! دفعة نحس !!