انا مرة كنت مش فاكرة يا ف اولى اعدادى يا ف تانيه اعدادى
وكان عندنا امتحان عربى
بتاع نص السنه او اخر السنه مش فاكرة بردو
وانا مش كنت بذاكر اوى ف سنين النقل دى ولا دروس ولا اى حاجه
و انا بحل ف النحو
لاقيت مطلوب ف الاستخراج
فعل مجرور
يادى النيله
هو مش الفعل مبيتجرش برده
وانا اصلا بشك ف نفسى م غير حاجه
اكيد مش هيبجيوا سؤال غلط
سبتها للاخر
وقعدت أفكر
ايوة الفعل مابيتجرش
ممكن تكون خدعه
لا اكيد مش هيعملوا كده ف امتحان
قولت خلاص اكيد اى حد ف اللجنه هيتكلم ويقول حاجه
وانا اصلا بتكسف اتكلم م المدرسين
ففضلت ساكته
ع امل ان حد يتكلم
محدش قال حاجه والوقت قرب يخلص
روحت مناديه ع الميس اللى بتراقب علينا
وكانت بتاعه رياضه
فقوتلها وكنت خلاص هعيط
ياميس مفيش فعل بيتجر
قالتى انا معرفش والله حلى وخلاص
وهى طبعا اكيد بتقول عليا هبله
ياعنى اكيد مش هيحطوا متحان غلط
وخلاص الوقت قرب يخلص
ومحدش اتكلم
سلمت بقى بالامر الواقع
وكتبت فعل مجزوم وخلاص اعمل ايه ياعنى
وف الاخر لاقيت ميس عربى داخله
وبتقول يا بنات
انا بقى تنفست الصعداء
والميس اللى كانت بتراقب علينا قامت بصالى كده وضحكت
والميس بقى قالت ان السؤال غلط وان هم عايزين فعل مجزوم
بس كنت خلاص
هتجنن
