ايه يا جماعه هى كل الكليات داخله شمال فى بعض ليه
انا عن نافسى صيدلى وهقول رأى
بالنسبه لأن خريجين علوم بيطالبوا بخذف لقب دكتور مننا ... مش هقول عليه حاجه غير مش احنا اللى كتبنا قدام اسمنا
دكتور دى الحكومه اللى اديتهولنا ..ومش حكومه مصر بس اى دوله فى العالم امريكا وانجلترا وغيرها معرف فيها اننا دكاتره
دى حاجه مفروغ منها
بالنسبه لجزئيه الشغل فى شركات الادويه ... يا جماعه كليتنا معناها كليه الادويه وتيجوا تقولوا انتم متعرفوش حاجه فى الدواء
يعنى اجيب مثلا خريج علوم قسم فيزياء واقول له انت متعرفش حاجهفى الفيزياء اذاى يعنى
لكن انا عارف ان عندك قسم كيمياء خاص لكن يا جماعه دراسه الادويه الكيمياء تعتبر فرع منها مش اكتر وليست الاساس
والا كانوا لغوا باقى المواد واكتفوا بالكيمياء
ثانيا الكيمياء اللى بندرسها فى كليه الصيدله تختلف عن الكيمياء بتاع علوم يعنى مثلا بتدرسوا الكيمياء الطبيه
لو حد قال اه بندرسها يبقى بيكدب لأن الكيمياء الطبيه تلزم دراسه فارماكولوجى وده عمرك ماتخدوه يعنى كمثال
لكن ممكن تقولوا كل شركات الادويه فيها خريجين علوم ... عادى بس عمره ما يقدر يتدخل فى شغل الصيادله
يعنى ممكن تشتغل فى مصانع الادويع على المكن لكن الصيدلى بيبقى اشراف او بيشتغل فى قسم الجوده او..او..
وخريج علوم ميعرفش عنها حاجه لأنه مدرسهاش
خريج علوم ممكن يشتغل ميديكال رب على الرغم انه ميعرفش الدواء ده اتعمل اذاى ولا يقدر يعمل ذيه ولا يعرف الجرعات ودواعى الاستعمال ولا المواد الفعاله هو مجرد بيحفظ كلمتين وبيروح يقولها للطبيب فى العياده او الصيدلى فى الصيدليه
وبالنسبه للميديكال رب الصيادله لا يعملوا بها لأنها تعتبر اهانه للصيدلى
بالنسبه لجزئيه معمل التحاليل فأنا اايد خريجين علوم فى الجزئيه دى حيث ان خريج كيمياء ونبات او خريج قسم الحيوان
يدرس كيمياء حيويه وميكروبيولوجى ودى تاهله لفتح معمل تحاليل وان كان لن يصل الى قدره طبيب التحاليل لكن ممكن فعلا يفتحوا معمل تحاليل
بس فى حاله انكم عاوزينه يتلغى من طب يبقى لازم يتعمل قسم خاص بالتحاليل فى كليه علوم و يتم دراسه مواد التحاليل والمواد اللى تأهله لفتح معمل تحاليل من اول سنه ويبقى الطالب عارف ده
بغض النظر عن كل الكلام اللى اتقال ده اكيد كل واحد لازم يكون متعصب لمهنته وكليته
لكن كليه علوم بها تخصصات تفوق كل الكليات تفوق صيدله وطب
يعنى ذى الفيزياء الاشعاعيه والفيزياء الذريه وغيرها وغيرها واللى بصراحه وبدون مجامله بعتبر دكاتره علوم اللى بيدرسوا فى الكليه دول علماء وعباقره مش مجامله لحد بس دا رأيى
لكن علا خريجين علوم هيحسوا بقيمتهم بجد لو استطاعوا العمل فى المركز الخاصه بهم مثل معامل التحاليل ومعامل الابحاث
دى همه اللى يقدروا عليها وهيبانوا فيها مش حد تانى
لكن لو فكروا فى ان ياخذوا مهن تانيه فملهاش اى لازمه لأنهم لايفقهون بها يعنى عمركم شفتم صيدلى شغال مهندس
او ماسك مشرط وعامل نفسه جراح لأطبعا لأنه له تخصصه يقدر يبدع فيه
وربنا يوفقنا ويوفقكم الى مايحبه ويرضاه
|