بقى أنت بذمتك شفت البشمهندس بلال او فكرت تروحله في الاول وبعدين لقيته اوف فرحت للادارة هناك ؟
أولاً انت ابعت رسالة للمشرف وهو حيتصرف في اقل من 10 ساعات ده باعتبار انه سافر حتى
اعتقد إننا بنشوف المشرف بتاعنا على الاقل 3 مرات في اليوم مثلا
وبعدين انت لو عايز حاجة فورية
لقيت بلال اوفلاين رحت للادارة
(يعني قال الادارة اون لاين 24 ساعة)
ده حتى انا رديت وكيموز رد وبعدين بلال رد
والادارة لسه موصلتش
يعني لو كنت قلت لبلال كان الموضوع خلص اسرع من كده
وبالنسبة لموضوع الراجل اللى كان هريك ده
على فكرة انت لو كنت سبت الردود كان حيبقى موقفك اكبر مش اصغر بالعكس
والراجل هما كلمتين اللى قالهم مش هاريك ولا حاجة
وعاتبناه بضعف اللى عمله فيك واكتر
بس انت اللى مستعجل
وبقيت حاسس إنه الواحد هناك بيتحسبله عدد مشاركات في اتيان المخالفات
مش كل حاجة كده تفتعلها وتتعملها مشكلة وتبلغ عنها هناك
وزي ما قلت في الموضوع التاني
القسم الهندسي طول انشط قسم وافضل قسم وعمره ما طلع عليه كلمة
ولا اتحط عنه مواضيع في صوت الاعضاء ولا اتكتب عن إنه بتاع شات
ليه كل ده
مش بترجع ليه لمشرف القسم قبل ما تروح تبلغ
ولا كل مرة بتلاقيه اوف برده
اصل المشرف حافظ القسم
لكن الاداري اللى من بره بيشوف كلمتين ويترجمهم شات على كلامك ويروح يحذر ويحذف على طول
امال لو شفت اللى بيحصل في قسم زي التنسيق حتقول ايه
محدش قالك امشي
لكن رجاءً بلاش مشاكل بره القسم
لك مني كل الاحترام والتقدير