لا حول ولا قوة الا بالله
البنت تفرط فى شرفها عشان كارت شحن !
والاب سايب اولادة للكلاب تنهشها
طب أنت بتتجوز لية دلوقت أنا عاوز أعرف
كل أب من النوعية الزباله دى بيتجوز لية
ربنا يحرقهم بجاز دى أسرة ومسؤلية
ورعية فى رقبتة يعمل كدة
الله يحرقة مليون مرة او يهدية .. بس
( إنك لا تهدى من أحببت ولكن الله يهدى من يشاء ) ..
واحد مش قد المسؤلية يتحملها لية
هو الجواز دة لعبة بحبك و بموت فيكى يلا بينا على ابوكى
دة الواحد بيشوف كتير الواحد يتجوز من دول ويقولك ابدأ اشوف مستقبلى
طب يا حاج شوف مستقبلك بعد ماجبت عيلين وعذبتهم معاك !
وبردو البنت يعنى اية اللى بتعملة دة ؟!!
مش مبرر يعنى اللى بتعملة يعنى اية رصيد
يولع ابو الرصيد تعرض نفسها عشان الرصيد
واخجلتاه .. معلش البنت لو متربية صح ما تعملش كدة
حتى لو لقية تاكل
بس فى الاول والاخر الاب والام
لما نشوف هايقولوا اية لما ربنا يسالهم أسرتهم
ومن المحادثة لاخطت إن مافيش رقابة فى البيت
يعنى بنت قاعدة على النت ولوحدها وقافلة على نفسها الباب
ولا حد هنا ! يبقى تعمل اللى هيا عاوزاة ولا لا .؟!
لما ابوها يضربها والله اعلم بوالدتها معاملتها ازاى
يبقى البنت تعمل اية
دى مش لقية الحنان فى بيتها وبالاخص ابوها وامها
نجيى نلومها لما تعرفلى شاب وتخرج معاه ؟!!
الله ياخد كل اب كان او ام كانت سبب فى تفكك اسرة
او ضياعها
اقول اية بس وربنا الواحد طلع خلقة !
همسة صغيرة للاستاذ الفاضل سيف عبد العظيم
حضرتك بتقول العيب على الشباب
لية حضرتك حمّلت الشاب مسؤلية
دون الطرف الاخر ؟
يعنى الشاب لو شاف بنت محترمة
ومش متبرجة ومش _آسف فى اللفظ _ بتتدلع فى الشارع
هايقدر يتكلم او يهمس ؟
شـكراً ليك يا استاذ إبراهيم الجابرى
على الموضوع دة لانها فعلا مشكلة مش صغيرة
وربنا يحفظها ويحفظ شبابنا وفتاتنا من كل سوء
ويهدينا ويهدى كل اب .. وكل اب يتقى الله فى نفسة
وفى اهل بيتة
وآسف لو أتعصبت فى ردى شوية
دمتم جميعاً بخير وبود
فى رعاية الله ..