اقتباس:
|
ولا اكن حصل حاجة ولا اكن اصلا طلع قرارا الا اذا شددوا الحراسه على الجامعات
|
ماشدنيش في الموضوع كله الا الكلمتين دول
هما دول الكلمتين الموزونين اللي فيهم عين العقل
كل حاجة في الموضوع دا مرتبطة بشدة الحراسة على ابواب الجامعة الاربعة
أو ابواب الجامعة الخمسة (لو اعتبرنا يعني ان باب تجارة انجليش بيتفتح اصلا!!)
مشكلة جامعة القاهرة ان عددها كبير جدا في الطلبة ..
عشان كدا اللي بيحصل ان بيبقي فيه تكدس على ابواب الجامعة طبيعي جدا
والتكدس دا بيحصل اصلا من غير ما بتوع الامن يسألوا الطالب انتا رايح فين ولا جاي منين !
مابالكوا بقي اما الامن يشد ويمسك كل واحد ويدقق في كل كارنيه
الجامعة الوحيدة في مصر اللي مطبقة نظام الكارنيه دا هيا الجامعة الامريكية
دخولها بيبقي بالكارنيه الممغنط .. تبقي طالب داخل الجامعة بتدي الكارنيه بتاعك للامن
يقوم حاطط الكارنيه في الـ pos ومعديك .. بالظبط زي المترو كدا
ولو الأمن كان عارفك شخصياً وعارف انك في الجامعة ومش معاك الكارنيه .. مش هايدخلك !!
طبعا استحالة الكلام دا يحصل عندنا في جامعة القاهرة
عشان زي ماقولت العدد كبير وابواب الجامعة قليلة .. والأمن نايم ماشاء الله