يا جماعة اهدوا شوية كدا و فهموا اللي هقوله ...
أولا المواد اللي اتحط عليها خط يعني دي كليات اتملى مكانها خلاص و الكليات دي استوعبت الطاقة القصوى بتاعتها ..
ثانيا كل دولة ليها عدد معين من الأماكن في الكليات حسب توصيات الكليات .. و الكمبيوتر بيتغذى بالمعلومات دي و الكمبيوتر هو اللي بيعمل عملية التنسيق يعني التنسيق ما بيتمش عن طريق البشر ...
ثالثا كل سنة تختلف ظروف التنسيق فيها عن السنة اللي بعديها او اللي قبليها حسب أعداد الطلبة المتقدمين من كل سنة و حسب مجاميع الطلبة المتقدمة كل سنة .. يعني ما يصحش تحكموا على السنة من ظروف السنة اللي فاتت او اللي قبلها و السنة الجاية ما يصحش يحكموا على التنسيق من السنة بتاعتكم دي ...
الموضوع يحتاج لدراسة و تحليل منطقي قبل كل شيء أنا عارف انتوا في بداية حياتكم الجامعية و عدم سكوتكم عن حقكم يدل على ظاهرة صحية بس اسمعوني كويس عشان توجهوا اعتراضكم دا لمنحى ايجابي مش سلبي ..
لازم كلكم تتجمعوا .. و المقصود بكلكم يعني ال 200 طالب اللي بتقولوا عليهم مش بس 2 او 3 ...
بعدين تعملوا كلكم مع بعض كشف لقبولاتكم و كل واحد مجموعه الاعتباري كام و كل واحد دخل كلية ايه ..
بعدين تجيبوا الحدود الدنيا بتاعة قطر اللي ظهرت في التنسيق .. منها هيبالكوا كل كلية ادتكم كم مقعد فيها و على الأساس دا تعملوا التماس عند وزير التعليم العالي بتوقيعاتكم و توقيعات أولياء أموركم جميعا و مندوب عنكم يسلم الالتماس دا لوزير العليم العالي في الوزارة .. و ما أظنش الوزير هيرفض مقابلة المندوب عنكم ... لأن الوزير وظيفته التخاطب مع الجمهور ..
دا الأسلوب المتحضر في طرح وجهات النظر و تسمعوا وجهة نظر وزارة التعليم العالي و مكتب التنسيق و تشوفوا يا تقنعوهم يا يقنعوكم .. و مش دايما تأتي الرياح بما تشتهي السفن .. و مش دايما تأتي الرياح بما لا تشتهي السفن يعني التنسيق دي معايير تطبق على جميع الطلبة بالتساوي و لا يجوز قذف الاتهامات جزافا و جورا ..
حولوا النفسية العدوانية دي لشيء من التخاطب المثقف و المتحضر و أنا بقلكم انكم صحيين جدا عشان انتوا بتقولوا و مش ساكتين بس خلينا متحضرين و اعملوا بوجهة نظري اللي ممكن تكون صائبة او خاطئة .. لكن هي في الآخر تمثل وجهة نظري انا .. و بلدنا الحمدلله فيها ناس بتسمع و بتتحاور بس انتوا جربوا يا جماعة و ان شاء الله خير
|