[الأستاذة هدى]

المشاركة الأصلية كتبت بواسطة banzer

يعني مين الأولى
امريكا معروف إنها بتخصص نسبة كبيرة جداً للأبحاث العلمية ده
وطبعاً بتخلي مصلحتها اولاً
ولو حاجة مش حينفع تفيد بيها الدول العربية مش حتفيدها
لكن في حاجات مبتقدرش تمنعها فبتوصلنا

دلوقتي في قتلى في فلسطين وناس محتاجين مأوى
وفقراء ياما في الدول العربية
واماكن ومشاريع كتير محتاجة تمويل

اذا كان معانا القدرة المالية ده
منعملش ليه احنا مركز ثقافي ونعمل ابحاثنا عندنا في معامل خاصة ؟
طب احنا كنا بنقول كده في مصر
عشان في مصر مش عايزين حد يبقى بارز ومصر تتفوق في امريكا على حاجة

لكن اذا كانت الامارات تمتلك قرارها او الشخص اللى تبرع ده ايا كان
يبقى كان الاولى يبقى بيه مركز علمي في بلده
او في اي بلد عربي
والعباقرة عندنا كتير وكفيلين بيه

مهو احنا مش حنتقدم ابداً طول ما اعتقدنا اننا اسرى الامريكان

كده الحمدلله احنا بنصرف فلوسنا عالبحث العلمي الامريكي
وهما يستفيدو منه ويوفروا فلوسهم هما للجيش ويحتلونا بيه !!!

أقول تانى ..
العقل بيقول كده
لكن للأسف الواقع شىء تانى
والأبحاث دى لتطوير علاج معين ... يعنى بهدف محدد وبالتالى المساهمة فيها خير مش ضايع بإذن الله
وقبل هذا كان بالطبع على أثرياء العرب بناء مستشفيات وتطوير ابحاث للعرب والمسلمين
بل أقول لك مساعدة وإغاثة الشعب الفلسطينى وإعطائه احتياجاته الأساسية من طعام وشراب ودواء وهذا أبسط من تطوير وبحث علمى متخلف للوراء مئات السنين عن الغرب
ليس معنى ذلك ان نقف مكتوفى الأيدى فى البحث العلمى ولا أن نكون أسرى للأمريكان بل على العكس مطلوب من أثرياء العرب الكثير والأعمال فى نهاية المطاف بالنيات شريطة ان تكون اعمال صالحة ....

أقول لك ابسط من هذا؟؟؟
لا تمدوا الفلسطينين بالمال فقط ارفعوا عنهم الحصار
أرجوا ان تكون فهمت مقصدى