[Rymonda]

بسم الله الرحمن الرحيم ..

كل سنه وانتو طيبين يا جماعه وبخير دايما ..

طبعا هو غريب ان اللي يعمل الموضوع ده بنت .. اصل التريقه موت للركب ..

بس ايه يعني ؟؟ .. وماله .. احنا في عيد ولازم اضحكوا شويه ..

طبعا الجواب باين من عنوانه ..
البنات لما تعمل نفسها فاهمة فى الكمبيوتر

طيب دلوقتى مفيش شك ان كل بيت فى مصر فية جهاز كمبيوتر
وطبعا كل بنت فى البيت لازم تعمل نفسها فاهمة فى كل حاجة
طيب نوضح اكتر

شوية مواقف كده عثل .. شوفوا كده..

وحده دخلت محل للكمبيوتر وقالت لصاحب المحل
لو سمحت انا عايزة ويندوز إكس بي ملون

ده على اساس ان فيه اكس بي ابيض واسود
-------------------------------------------------

وحده اتصلت على محل الصيانة وقعد الخبير يشرحلها الانترنت بكل اهتمام فجأه قاطعته بسؤال ماعرفش جاي منين ......؟
قالت: يعني دلوقتي أيهم أفضل الإنترنت أم الهارد ديسك.....!

خبير الصيانة دلوقتي في الانعاش بين الحياة والموت
-------------------------------------------------

ودي وحده اول مااشترت الجهاز وهي لسه في المحل عملت نفسها فاهمه وقلت لصاحب المحل بكل برود : لو سمحت.. عايزه حبر للشاشة
دي علشان انا عايزاها تكون الوان مش ابيض واسود
-------------------------------------------------

ودي وحده ....؟
اشترت طابعه من احد المحلات وماعملتلهاش تعريف على الجهاز
اتصلت بالمحل وقعدت تزعق لصاحب المحل وقالتله انا حاطه الطابعة قدام الكمبيوتربقالها 5 ساعات ولسه ماتعرفش عليها

بس الحمدلله لحقوا صاحب المحل بمعجزة وهو كان هيرمي نفسه في النيل
-------------------------------------------------

طب بصوا على اللي اتصلت باكبر محلات الصيانة وقالتلهم ان جهازها مابيشتغلش
سألوها ايه اللي حصل قالتلهم مافيش الجهاز كان في فيروس رحت رشه جواه فيلت

بعدها المحل أعلن افلاســه بسبب اغلاقه طول العام
-------------------------------------------------

ودي وحده فاضيه ماعندها لاشغله ولا مشغله راحت لمحل بتاع كمبيوتر وقالتله انا سمعت ان في حروف جديدة للكيبورد ياترى نزلت ولا لسه

وطبعا مش هقولكم ايه اللي حصل لصاحب المحل لأني مابحبش اجيب في سيرة الأموات

NO COMMENT
بعد اللي اتقال ده

دلوقتى انا عاوزة اعرف رأيكم فى البنات الى فى المواقف دى
وياترى كل البنات كدة ؟
وياترى التكنولوجيا اى حد يقدر يدخل فيها كدة ببساطة
الى يحب يزود كمان يزود

منتظرة ارائكم فى الموضوع بالكامل

في رعاية الله