بسم الله الرحمن الرحيم
أخوكم ف الله أحمد على
من المنصوره
مستجد حاسبات ومعلومات جامعة حلوان
حبيت أوضح نقطه غايه ف الأهميه
أوعى تحكم ع التوبيك من العنوان .... لاأنا كنت عاوز اقول إن إحنا ولله الحمد تخطينا مرحله ليست بالهينه ف حياتنا كلها وطبعا بصمتها واضحه وح تفضل واضحه طول حياتنا
طب وايه الجديد...
الجديد إن إنت مش واخد بالك إنك على أعتاب دخول جوبة أرقى طبقه ف مصر
ازاى ....؟؟؟؟
إنت دخلت كلية حاسبات ومعلومات جامعة الملك فيصل حتى
ف حاسبات وخلاص
وطبعا مش عاوز اتعرض لحتة أهمية الكليه والخرجين لسبب واحد
إن الكليه مش منتظرانى إنى أدافع عنها
أى حاسبات ف مصر لو تطول تتكلم عمرها ما هتبص للكلام المجوف بتاع المصريين ده لسبب إنها متعماتش ليهم اصى
دى معموله لمستوى فكرى معين يتضمن طبعا كل اللى فيها زائد طبقة المثقفين من المجتمع بصرف النظر عن مسائل الشحناء اللى بين الطلبه سواء هندسه وحاسبات أو غيره دا كله كلام لا يثمن ولا يغنى من جوع
لان أى حاجه فيها تكنولوجيا تبقى من الأهميه بمكان
.
كل ده وأنا لسه مدخلتش ف الموضوع
ثرثار أنا أوى ..أنا عارف ..سامحونى
أنا كل اللى أقصده إن إحنا شباب حاسبات ومعلومات بإلإجماع دخلنا ضمن الفئه دى وح نبقى ضمن الطبقه دى إن شاء الله يبقى لازم كل حاجه بعد كده بحساب
لازم تنظم حياتك تدريجى لانك لو منظمتهاش الوقتى هتنظمها بعدين بعد لما تخسر كتير أوى
بجد حاسبات يعنى رقى فكرى ونظام ف كل حاجه
كلمتك بنظام عشان مش ح تقدر ترجعها.....
مشيتك بنظام عشان متندمش عليها..
قدر لرجلك قبل الخطى موضعها ..... فمن على بغير علم فقد زج زلجا
وللأسف ف نوعيه من البشر تقدر تقول رديئة التفكير ومش بعيد تلاقيهم معاك ف الجامعه وف الكليه كمان ودول أنا عن نفسى بتبع معاهم مبدأ ملخه حاجه واحده بس
قوم إذا ضربتهم بالنعال شكت النعال بأى ذنب حقرت
أظن واضح
يبقى المهم إنك تعمل لنفسك بروجرام جديد وتأقلم نفسك مع الوضع الجديد وف نفس الوقت متتغرش أوى عشان ما طار طير وإرتفع إلا كما طار وقع ....
وشكرا جزيلا