[بورسعيدى]

تبدأ ذاكرتى مع الطفوله عندما كنت فى الخامسة من عمرى وكنت فى مدرسة مش فاكر اسمها فى طنطا

طبعا حضرتك هاتسألنى ايه جاب طنطا الى بورسعيدى اقول لك

لان كل اهالى بورسعيد كانوا مهاجرين فى كل بلاد مصر بسبب الحرب وما تعرضت له بورسعيد من دمار شامل والغام على الشواطئ وفى الحدائق والميادين
فكانت الهجرة لكل اهالى مدن القناة وعلى رأسهم اهالى بورسعيد لانها كانت الهدف الاقرب وليس الاسهل من الاعداء
ورجعت بورسعيد مع اسرتى وانا تقريبا عمرى 8 سنوات الصف الثالث ( ملحوظة دخول الازهر يبدأ من 5 سنوات)
كانت طفولة جميله جدا وكم اتمنى ان اعود لها مرة ثانية لكن ليت الشباب يعود يوما
لدى 7 اخوات 5 اولاد و2 بنات وانا اكبرهم كان عندى اصحاب كتير اوى ولكن كان لى صديق واحد وهو والدى رحمة الله علية
طبعا فى فرق كبير اوى بين صاحب وصديق ولكن نحن الان ليس بصدد هذا الموضوع
وبحكم اننى اكبر اخواتى فكان والدى يعدنى منذ الصغر لان اكون المسئول عن اخواتى ووالدى طبعا لذلك كان حريص جدا ان يستشيرنى دائما فى ادق التفاصيل الحياتية .... هو الحقيقة كان يشركنى فى كل المسائل وكانت هذه خطتة لاعدادى لاكون كفئ بتلك المهمه التى لم اكن اعرفها فى هذا الوقت ولكنى فهمتها لما كبرت واتمنى ان اكون عند حُسن ظنة
انا مش عايز اطول عليكم لان الباشمهندس الان منتظر اجابتى

واليك المختصر المفيد ............... رد سريع