بالنسبه لحكايه بياع وكده مبيقولهاش غير واحد جاهل عن المهنه
لأن الصيدلى مش من تخصصه انه يقرأالروشته ويجيب الدواء من على الرف وخلاص لأ دا شغل الموظفين اللى انت معينهم فى صيدليتك
لكن شغلك فى الصيدليه هو مثلا
* الاستشاره الطبيه عن اى دواء واى مرض
*اعطاء النصائح الدوائيه مثل طرق اخذالجرعات والأعراض الجانبيه المصاحبه للدواء عشان لو المريض حس بالأعراض دى ميخفش او يجيلك على طول لو يذهب للطبيب لكى يوقف الدواء ويصرفله دواء جديد
* قراءه الروشته فقط لمعرفه ان كان هناك انواع متشابه من الادويه او ادويه مكرره(نتيجه سهو بعض الأطباء ..او فى حاله سرعتهم وهم بيكتبو الروشته) كذلك معرفه drug-drug interactiom
*بعض المرضى بيأخذوا الحقن فى الصيدليه فدى مسؤليتك وليست مسؤليه الموظفين اللى عندك
*بعض المرضى بيتابعوا جدول الضغط او السكر فى الصيدليات فأيضا بتقيس ليهم الضغط او السكر
*بعض الصيادله بعد الخبره الكافيه بيكونوا قادرين على وصف الادويه للمرضى ومتابعه حالتهم الا فى احالات الحرجه او الحالات التى تحتاج لتحاليل او جراحه فهذا ليس تخصصك
*من المعرف لعامه الشعب ان الدكتور (طبيب -صيدلى -اسنان_الخ) بيكون انيق فى لبسه منظم فلازم الصيدلى يحافظ دائما على مظهره امام المرضى وكذالك طريقه كلامك الثقه فى نفسك وقدراتك وان حدث انك سؤلت فى شئ طبى لم تدرسه
او مثلا لقيت روشته لم تستطيع قراءتها بسبب خط الطبيب فلا تفقد ثقتك او تشعر المريض بأنك (محتاس) لأ تعامل بثقه عادى جدا يعنى لو سؤال طبى تستطيع الرد بأن هذه الجزئيه تحتاج الى طبيب متخصص ثم تدا المريض على طبيب متخصص فى هذا المجال بخصوص الروشته تستطيع ان تستعين بالاندكس بتاع الادويه او تتصل بالطبيب لكى يوضح لك ما هى الادويه التى كتبها فى الروشته
*بالنسبه للبالطو معرفش فيه صيدليات كتيره بلاقى الصيادله مش لابسين البالطو على الرغم ان البالطو ده بيزيد الاحترام والرهبه عن المرضى تجاه الطبيب او الدكتور الصيدلى والبالطو على فكره من الاساسيات فى الوقوف فى الصيدليه ولكن بسبب ان التفتيش من قبل النقابه اصبحت متساهله لهذه الجزئيه ولغيرها مما جعل منظر بعض الصيدليات لا تليق بكونها مكان طبى من الدرجه الاولى لكن فيه صيدليات الدكتور صاحبها مظبتها وعامل غرفه للمدير وعامل نظام للصيدليه تخلى المريض اللى داخل له نفس الرهبه اللى بيحسها عند دخوله العياده
*بالنسبه لحكايه بياع .. الكلام ده بسبب انالنقابه منذ بدايتها قررت ان الصيدليه لازم تكون على الشارع وليس منزل (مثل الاطباء بياخدوا شقه ويعملوها عياده
لكن لو النقابه لغت القرار ده ممكن صيادله ياخدوا شقه ويعملوها صيدليه وذى ما المريض احيانا بيروح لطبيب وبتكون عيادته فى الأدوار العاليه مفيش مانع ان المريض يطلع للصيدليه اينما كانت فى ادوار عاليه او فى الادوار الاولى حتى
وبكده ممكن نكون حلينا مشكله كلمه بياع دى لأنها فى هذه الحاله تشبه الى حد كبير للعياده لأن المريض لما يدخل العياده بيدفع ثمن الكشف ويدخل للدكتور جوه
بردوا لما المريض يدخل الصيدليه بيدفع ثمن الادويه وان احتاج لأستشاره بيدخل غرفه المدير
ايه رأيكوا فى الحل ده
آخر تعديل بواسطة dr/ ahmed ، 22-09-2009 الساعة 03:53 AM
|