اقتباس:
المشاركة الأصلية كتبت بواسطة الورده الحمرا
بصى يا جميل
من وجهة نظرى الفرنساوى احسن بالنسبه ليكى
طالما بتحبيه
واللغات بتبقى مطلوبه اكتر
اما قسم وثائق ومكتبات سهل جدا جدا جدا
فى ناس كتير قالولى ادخليه
بس انا حسيته حاجه قليلة الشأن
ومش مضمون اوى الشغل بس فى ناس بتقول بيشغل
وانصحك انك تعملى اللى تشوفيه صح
وتقدرى تكملى فيه من غير اى مشاكل
وربنا يوفقك ان شاء الله
|
اقتباس:
المشاركة الأصلية كتبت بواسطة ياسمينايا
لالالا..
اوعى بجد ..
احمدى ربنا ان جالك فرنساوى ..
وفرص عمله اكتر ..
وبعدين انتى بتحبى الفرنساوى ..وسيبك من حكايه السهل والصعب دي ..والله دي ما مشكله اصلا لان الفرق بينالممكن والمستحيل الاراده ..
بجد اوعى تحولى ..والا هتبقى امينه مكتبه ..
وربنا معاكى ياقمر ..
|
اقتباس:
المشاركة الأصلية كتبت بواسطة merihan
انا الحمد لله دخلت كلية الاداب وجاللى قسم فرنساوى بس كل الناس بقوللى انة صعب وعندى فى البيت عاوزنى احول قسم وثائق ومكتبات وانا مش عارفة اى حاجة عنة ياريت اى حد يعرف اى معلومة عنة ياريت يفدنى من حيث الدراسة سهلة ولا صعبة فرصة الشغل متوفرة ولا لا حاخد الشهادة واقعد فى البيت واية الشغل اللى ممكن اشتغلة وهو احسن ولا قسم فرنساوى من حيث فرص العمل مع انى انا باحب الفرنساوى جدا بس بجد انا خايفة مع انى فى ناس قالولى ان قسم فرنساوى جميل وسهل ولكن والله انا محتارة وقسم وثائق ومكتبات لسة فاتح الستة دى جديد عندنا فى الجامعة جامعة كفر الشيخ يعنى احنا اول دفعة تخدة السنة على شان كدة انا معرفش اى حد فية ولا الشغل بتاعة ايى
|
اقتباس:
المشاركة الأصلية كتبت بواسطة gamalewees
هى نتيجة التنسيق بتاعتك بانت اصلا
بس والله يا شيماء هتخسرى كتير لو حولتى من فرنساوى لوثائق و مكتبات
قسم الفرنساوى مطلوب اكتر فى الشغل
على العموم فكرى كويس قبل ما تاخدى اى قرار تندمى علية بلاش تسرع يا مشمشة بدل ما تندمى ياحبيبتى
اة على فكرة لو دخلتى وثائق و مكتبات على حد علمى يعنى هتبقى امينة مكتبة و انا قولتلك قبل كدة
بالتوفيق يا شيماء
فى رعاية الله
|
اقتباس:
المشاركة الأصلية كتبت بواسطة •●ѕρє¢ιαℓ gιяℓ●•
لا يا توته بجد مش تحولى
وعلشان ايه كلام ناس
انتى نفسك بتقولى فى ناس بتقول سهل وناس تانيه صعب
بدل بتحبيه خلاص وقولى الحمد الله ان انتى قبلتى فيه
بصى انا لم جيت اكتب الرغبات وكده قالولى ان قسم المكتبات ده بتطلعى
امينه مكتبه فى مدرسه ولو واسطه ممكن تشتغلى فى مكتبه زى مكتبه اسكندريه كده
لكن الفرنساوى اكيد فرص شغل اكتر مترجمه مدرسه حاجات كتير
واخيرا القرار قرارك فكرى كويس
ربنا يوفقك |
أكيد يا ماريهان احنا اتكلمنا فى الكلام ده كتييير
ونصحتك كتييييييييير
انك هتخسرى كتيييير اوووووى اووووووووى لو حولتى من القسم ده
وانتى براحتك
اديكى شايفة بره الحال عامل ايه لا حد لاقى وظيفة ولا اى حاجة فى البطاطا على رأى ما بيقولوا
واديكى كمان شايفة زمايلك لاارا وايمان وشروق
اد ايه هما خايفين عليكى وعاملين على مصلحتك
وعلى فكرة حبك فى القسم اللى انتى عاوزاه تدخلية ده عامل مهم جداً جداً فى تقبلك للغة ونجاحك بتفوق
موش زى ابدا ما تدخلى قسم ما بتحبيهوشى خالص وما كانشى ليكى رغبة ليه
يا ماريهان
واخر حاجة هأقولهالك
هيا الناس اللى بتحددلك مستقبلك ولا انتى اللى بتحدديه لنفسك
اذا اخترتى قسم مكتبات لازم تعرفى حاجة واحدة بس وتكونى كمان حطاها على طول فى بالك وهيا انى الناس هيا اللى حددتلك مستقبلك!
اما اذا دخلتى قسم اللغة الفرنسية اللى انتى قولتيلى انى بحبه اوووى اوووى اوووى!!
فأكيد هتحققى معجزة فيه بكل المقاييس وما تخليش الشيطان يلعب بيكى يا ماريهان
واخيرا هأقولك ما فيش حد لاقى دلوقتى قسم اللغة الفرنسية
لانة الايام اللى جايه هيبقى ليه مستقبل هايل بكل المقاييس.
وانا كده يبقى عملت اللى عليا من ناحيتك انا ولارا وايمان وشروق واكيد فيه ناس كتيير من اصحابنا هتدخل
وتقولك نفس الكلام اللى قولناه كلنا.
اهدى كده وركزى مع نفسك شوية وفكرى 1000 مرة ومرة قبل ما تاخدى قرار بالحجم ده لانى قرارك ده هيتوقف عليه
مستقبلك كله .
وانا حكيت معاكى كتييير فى الموضوع ده وأكيد انتى فاكرة كويس
لما قولتلك نفس اللى بيحصل معاكى دلوقتى حصل معايا السنة اللى فاتت بالظبط
لما جالى قسم اللغة الفرنسية اللى انا فرحت بيه اووى أوووى وفجأة لقيت أهلى كلهم بيقلولى ادخل
قسم مكتبات هو قسم سهل وان شاء الله تتتخرج منه معيد وكلام كتييييييير
وأكيد انتى اتقالك كلام زى ده.
لكن انا أصريت على رأيييى وفكرت شويه مع نفسى ولقيت
انى مصلحتى فوق مصلحة اى حد وان ده مستقبلى
موش اى كلام وخلاص الناس تقولهلولى اصدقة واعترف بيه.
والحمد لله ربنا وفقنى وجبت جيد السنة اللى فاتت وده لانى أعشق اللغة الفرنسية حتى النخاع.
كفايه كده وانا اسف على الاطاله
بس دى اعتبريها نصيحة اخ لأخته اللى خايف عليها من وسواوس الشيطان
وموش لوحدى لا دى نصيحة اختك لارا وايمان وشروق كمان.
حراام عليكى بجد لو سيبتى قسم اللغة الفرنسية
وبرضة ارجع واقولك انتى ليكى القرار الاول والاخير واحنا موش هنتقل عليكى بس ابقى طمنينا انتى وصلتى لأيه
فى الموضوع ده.