صور من الكلية
بسم الله الرحمن الرحيم
الصور منقوله لكن هاحاول استظرف و أحط تعليقات خفيفة (محدش يتعود على كده )
كل تعليق تحت صورته
رايح فين م الثانوية رايح فين للكلية
يلا كله يستعد بالترينينج عشان المشى لمسافات طويلة
و بالمناسبة دليل الكرم بزيادة نور العواميد منور
منورين يا رجااااااااااالة !!!
هو ليه مفيش و لا حتة ظل ؟؟؟ !!! الظاهر احنا روحنا ورا الشمس
هيييييييييييييييه مرواح مراواح مرواح ( كفارة يا بشمهندسين )
محدش يقولى العواميد مطفية ده أكيد بس اللمبة عدا العمر الافتراضى له
امممممممممم تقريبًا هو 365 دقيقة
قريبًا المنظر شاعرى و كما قال الشاعر
الدنيا ضلمة و الشمس غاربة ::: خلاص هصورها بكامارتى
زى الجمال فى حتة مقطوعة غابة ::: متستغربوش دا هيه جامعتى
وقفت حبة لما الشمس تنزل من ورا السحابة ::: و هوبا هوبا لقطت الصورة و الدمعة على ضحكتى
ترقبـــــــــوا صيانة العواميد
مبنى عمارة و أنت رايح له
معرفش عندكم انج حودش و كما قال الشاعر الفلانى
سألونى عن الكلية و صورها ::: قلت دعونى فإنى جاهل
و دعوا الأمر لله فستروها ::: و هتقولوا حسبى الله و نعم الوكيل
و لكنى سأنصحكم نصيحتها ::: فرحان على ايه بكره هوريك الويل
على فكره نصيحتها نصيحة الهندسة ذات نفسها
شايفين الجمال كل جديد فى جديد عشان العيد
المبنى جديد و الشجر جديد و العزم شديد و الرزق يزيد
معلش واضح إن المبنى ده بيتصور كتير
عمارة بن سبرباى الطنطاوى
الشهير بقسم ولاد الذوات و اللى بيتبهدلوا زمان فى الأيام العادية من طول اليوم
يا ترى هيعملو ايه فى مواجهة انفلوانزا الخنازير ؟؟؟؟ هيطولوا اليوم و لا هيطولوا المبنى
سؤال يطرح نفسه على الساحة
مش عارف لحد امتى هعمل نفسى مش عارفها
بس تقريبًا و الله أعلى و أعلم ده مبنى المعامل و الورش أو شئون الطلبة الأكيد إن شاء الله
إنه فى مجمع سبرباى و احتمال يكون تبع هندستنا و احتمال إعدادى هيدرس فيه يا حــــــــلاوة
نفس الكلام و لكن الجدير بالذكر إن اللى قدامك بشمهندسين
و هتلاقيهم فى وشك كمان كام شهر حد يورينا تعظيم سلام للجدعان
فاكرين المنظر الشاعرى و الشعر الجميل
ده المحاولة التانية (أخيرًا لقينا حاجة حلوة فى الكلية)
برده ترقبـــــــــــــوا صيانة العواميد
سلامن سلامن سلام ::: لأرض البراجل أرض اللوح
و بكرة فى وشى هتستقبلينى ::: يا رب يكون دووت أحلى صباح
عشان احنا تهنا كتير فى الهنا ::: و يا رب استر عل اهل الجراح
لا ده بس الشمس مروحه و راجعة بكرة
سبحان الله الشمس بتحرقنا طول اليوم و احنا مروحين بيبقى منظرها تحفة
تقريبًا ده تطبيق لقاعدة لنز و نصها (أنت هتعمل ايه عشان أخالفك )
محدش يقولى و لا عامود شغال الأتوبيس ده كان آخر أوتوبيس يروح
محدش تانى يقولى آمال أنت صورت ازاى أقوله هبات مع حد ف المدينة الجامعية سهلة
(الكلية مصممة تحرجنى أف)
استراحة المجد الحجز مقدمًا و اللى ملهوش مكان الرصيف موجود
حاجة من اتنين يا براءة يا هاربنين فى كلا الحالتين كفارة يا جدعان
منظر خلاب يتوسطه منبى عمارة و يحده من الأسفل بحر الجنوب
و على يمينك و شمالك الشجر اليانع الأخضر علامة الذوق الرفيع
و السماء الزرقاء على فوقك و على رأى مصر للطيران تمتع بالجمال و أنت فوق السحاب
أقصد تحت السماء و لكن احترس من أن تصيبك القنابل الفتاكة من طائرات عصفور 16
الشجرة اللى حيلتى انقطعت حسبى الله و نعم الوكيل (مع أنه باين فرع بس)
واضح جدًا أنهم واخدين حظرهم من انفلوانزا الخنازير من زمان
ممنوع الازدحام أو التجمعات الطلابية ويكأننا هننشر منشورات
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
آخر تعديل بواسطة abdelRhman772007 ، 23-09-2009 الساعة 09:19 AM
|