احم احم واحد اتنين تلاتة اربعة تس تس
لا الصوت تمام
:
نبتدى كلامنا ب السلام عليكم
ندخل فى المهم
محدش يقدر ينكر ذوق الراجل لما كان بيلقى الخطاب وكان الكل اذانه صاغية واعية متفهمة لما يقال
زى منتا قولت بدا بالسلام وقال شوية الكلام البكش اللى اتقالو دول
مع انهم حقيقة
واضاء الصورة المظلمة للاسلام فى دول الغرب
ودى حاجة تحسب ليه ونرفعله القبعة شاكرين له
هعلق بس على كام حاجة كدا
اقتباس:
وأنه لا مانع من أن يعيش الاثنان في سلام في دولة واحدة
|
انت فى بيتك اهو اجى احتل اوضة نومك ويجى حد يتكلم يقول خد انت اوضة السفرة وسيبله اوضة النوم وبلاش مشاكل وخليك مسالم وافطرو مع بعض
اكيد محدش يرضاها
كون ان اسرائيل مغتصبة الارض بزعم القوة وباقى العرب نايمين ميديش الحق انى اقول سيبولهم جزء من الارض
اقتباس:
اسرائيل تملك اقتصاد العالم
ممكن نقول تقريباً بتمتلك امريكا برده
|
هههههه اول مرة اسمع دى
اسرائيل لو الدعم اتقطع عنها هتشحت فى البلاد
دا ملهومش وطن وبيحاولو يعملو وطن ومش عارفين
خلى مصر تقطع عنهم الغاز مثلا
وخل كل دولة تقطع عنهم حاجة هتلاقى اسرائيل مجردة من قوت العيش تتسكع فى المقاهى وعلى الطرقات ومستقبلهم هيضيع وهيتجهو للتدخين ثم لادمان المخدرات واحتمال تجيلهم حصبة ويتكلو على الله
اسرائيل امريكا هيا اللى مسانداها اسرائيل بدون امريكا لا تساوى قطمير
اصدقك اه لما تقولى امريكا مسيطرة على اسرائيل
انما العكس مش مقتنع بيه
اقتباس:
اسرائيل معروفة بايه
بنقض العهد مش كده ؟
|
دا شىء اكيد
مهى كدا كدا معندهاش عهود والدول العربية من سنين بتتفاوض على سلام اسرائيلى فلسطينى ولسة بيتفاوضو
فى جملة اعجبت بيها اوى
انا افاوض اذن انا مفقود انا اقاوم اذن انا موجود
كدا كدا اسرائيل مش هتديك فرصة
فلسطين العراق ولبنان كانت ممكن تقع فى اديهم بردو
كل دا وتقولى استنى لما ينقضو العهد
بكره سوريا ولبنان فضلا عن مصر
وشاطرين نقول المصريين اهمة حيوية وعزم وقوة
تقدر تقولى هنستعد ازاى هنديلهم فرصة اكتر من كدا
احنا شعب بيحب الكلام والجلوس على مائدة المفاوضات وشاطرين كل يوم اجتماع تفاوض يا شيخ بلا نيلة
اقتباس:
كل اللى حيقدر يعملهولك حيعمله
بس انت اديه فرصة
|
يوم ماعمل اللقاء العالمى من داخل جامعة القاهرة
اعجبنا بالكلام وقولنا لعله خير
وقال كلام زى الفل
وكل الناس قالت دا افضل من اللى فات مليون مرة
وكله قال يارب يكون فعل وليس قول
ونا كتبتها يومها فى توقيعى
بس ايه اللى حصل لحد دلوقت
الحسنة الوحيدة اللى طلعنا بيها
هى تنظيف جامعة القاهرة حيث كانت فى ابهى صورها فى اليوم الفل ده ;
نفسى يعمل زيارة لهندسة قنا
او يروح اسيوط هتلاقيها بقت انضف مكان احسن من شرم الشيخ نفسها وهنغير الاسم من اسيوط الى شرم الصعيد
ولسة الفرصة شغالة
ومدينله فرصة مهو مفيش فى ادينا غير كدا اصلا
بس يا خوفى بعد الفرصة يتقال لنا جيم اوفر ويكأننا بنلعب بلاى ستيشن
عموما مشكور على كل اللى قاله ويارب يتنفذ
وكل اللى اقدر اقوله لسة الامل موجود طول ما ربنا موجود
شكرا على الموضوع ياعم الدبابة
اه لما تخلص قراءة ردى متشتمش اكمنى طولت يعنى
حاكم انا عارف بتوع اسيوط دول لسانهم متبرى منهم
شكرا يا محمد على الموضوع
دمتم فى رعاية الله