اقتباس:
المشاركة الأصلية كتبت بواسطة زيزو1900
طيب ماهى بيطري الوادى الجديد ومطروح واصله ل 70%
وبعدين هتروحى بعيد ليه عايزك تشوفي للي داخليين علوم شوفي تلتهم ان مكنش نصهم كان جايلهم بيطري
وانا بقي عايزك تشوفي المتخرجين من بيطري للي بيعيدو تانى كليه علوم عشان التحاليل
وعايزك تشوفي خريجين بيطري للي بيشتغلوا موظفيين
والشغل للي بقول عليه واللهى ما احلام ورديه
اقسم بالله واقع
واقسم بالله كمان ان بتوع بيطري مش لاقيين شغل وفيه ناس منهم بيشتغلوا موظفيين
واخر حاجة يكفي ان الكميائي يقدر يشتغل في شركات الادويه زيه زى الصيدلي
ويكفي انه دكتور تحاليل
علي عكس بيطري لاهو ينفع يبقي دكتور تحاليل ويفتح معمل ولا يبقي كميائي ويشتغل في الادويه
|
مش عارفه حاسه اني هعد للصبح عشان ارد علي كل رد مستفز لحضرتك
بس ياللا انا بعشق الكليه يعني مش بشبع من الكلام عنها الحمد لله
بص يا اخ زيزو
انت ليه مصر ان بتاع بيطري كان قدامه فرصتين بس وهما انه يبقي في شركة ادويه وانه يبقي في معمل تحاليل
محدش اساسا في بيطري هيجري عشان يشتغل في الشغلانتين دول
في احسن منهم كتييييييير
تحب اقوللك تجربة دكتور عندنا في الكليه
حكايته اكبر دليل علي ان بيطري من افضل الكليات علي الاطلاق
يكفي انها واخده مركز من افضل 5 مراكز وظيفيه في الخارج
عي ما اتذكر التاني بعد المحامي
في دكتور بيدرسلنا هستولوجي
الدكتور ده درس طب 7 سنين
حس انه محتاج اكتر من كده
قال يدخل صيدله قعد فيها سنتين محبهاش ومقدرش ينجح فيها
دخل بيطري كمل فيها وتفوق وبقي يدرس في الكليه وفاتح عياده كمان
تعرف انه في سنه من السنين كان مسموح لل5 الاوائل علي الكليه انهم يحولو صيدله
وكان في معيد عندنا مسموحله بكده
قاللنا قعدنا مع بعض فكرنا
يعني انا لقيت نفسي في كليه وتفوقت فيها وشايف مستقبلي قدامي ليه اروح ارمي نفسي في كليه تانيه ماعرفش عنها حاجه
وفعلا كمل في الكليه وبقي معيد في قسم الهستولوجي
البيطريين مككانتهم محفوظه في كل مكان
وعمري ما اتكسفت اقول لحد اني في بيطري
كفايه اننا سنكون قادرين بعون الله اننا نعالج حيوان لا بيتكلم ولا بيقول بطني ولا رجلي
دي منتهي العبقريه
للي فاهم مش اللي مش عارف اي حاجه في اي حاجه وبيتكلم
هاتلي دكتور بيطري اتخرج وقعد سنه واحده من غير شغل
احنا دفعتنا كلها 300 انتو دفعتكو 2000 او اكتر
تقدر تقوللي فرصة ال300 ولا ال2000 الاكتر في الشغل
ياريت اسمع رد علي سؤالي
كفايه الشغل في الموليكيولار بيولوجي
اللي الدكتور قالهالنا صراحة
دي بتكسب اكتر من تجارة السلاح 
وان شاء الله هيبقي هدفي اني اكمل وافضل ارتب علي دفعتي ال4 سنين اللي باقيينلي فيالكليه
واتعين في قسم الكيمياء الحيويه وكيماء التغذيه
كفايه كده بقي عشان تعبت
بالمناسبه لفظ الجلاله بيتكتب كده " الله " مش " واللهي " 
__________________
Veterinarian and proud to be so Veteriner ve gurur kadar olmak Vétérinaire et fier de l'être
Veterinario e fieri di esserlo
|