معلش جاى و ايدى فاضية
بس ليا عودة ان شاء لله
المهم
المبينى اللى محيرك ده يا عبدو .. اسمه مبنى المعامل و اورش ( الله ينور عليك )
اللى فيه بقى .. المعامل ( هما معملين ) .. الورش ( تعبانة و الحمد لله ) .. شئون الطلبة .. المكتبة .. المسجد .. الحاسب الآلى ( سايبر يعنى .. و بفلوس مش ببلاش خلى بالك ) .. ممممممم .. اه و المدرجات ( هما اتنين فقط لا غير ) .. وووووو ... اه .. و انا هتلاقينى قاعد على الباب هناك 
الشجر بقى كتيييييير ... بس يا خسارة .. لسة صغنن  .. لا بيضلل ولا بيعمل ... اللى انت مصوره و شكله كبير ده .. ده منفى ورا الكلية ( منطقة الحبيبة )  ... ملناش دعوة بالحاجات دى .. احنا مؤدبين 
متكلمتش انت عن ملاعب الكورة ... بص يا عم .. هو فى ملعبين ... لا لا .. استغفر الله العظيم .. 3 ملاعب
الاول هو الحتة اللى فى وش مبنى المعامل والورش ... تحط طوبتين يا عم الحج و تعمل جون .. و العب زى ما انت عاوز ( بس احترس من الحرس .. هييجى ياخد الكورة )  ..
التانى بقى هو ورا شوية .. ملعب اسفلت معتبر ... برده تحط الطوبتين .. و تعمل جون .. و العب يا معلم .. ( بس خللى الك .. الوقعة بكسر على طول .. ده اسفلت مش هزار )
الملعب التالت بقى .. هو الحتة الخضرا دى اللى انت مصورها عند مبنى عمارة .. و طبعا مش هوصيك .. ( الطوبتين ) 
ممممممممممممممم
ليا عودة ان شاء الله
صحيح .. نسيت اصبح عليكوا .. صباح الفل يا أنوس و صباح الفل يا عبدوو
و مش هقول عيد سعيد بقى .. خلاص العيد خلص
__________________
Mechanical Power Engineer
|