[جمال سراج]

شكرا لحضرتك أختنا الاستاذة فاتن
بس عندى ملاحظات

1- كلام حضرتك مهم جدا عن اهميه تعلم اللغة الانجليزية او الهدف من التعلم
لكن هل تعتقدى اننا بنفذ كدا صح - او هى طريقة عقيمة فى التعليم والتدريس بطريقة الية الغرض منها زى تدريس اى مادة هو المرور من الامتحان
2- تعليم اى لغة غير اللغة الام سيدتى المفروض يتم فى سن معين - من المفترض تقريبا بعد سن العاشرة تقريبا كما يقول علماء النفس - وكان ذلك متبعا فى الماضى لما كنا بنتعلم ففى اولى اعدادى - وبعدها من رابعة ابتدائى انما الان من اولى ابتدائى او من كى جى - يبقى لا اتقان للغة الام ولا حتى للانجليزى
الولاد مبيكنوش لسة اتعلموا ازاى يقراوا العربى - ولا يكتبوا كويس

3- طول عمرنا بنتعلم انجليزى - بس عشان الطريقة غلط تعرفى حضرتك تقولى كم مدرس انجليزى مثلا ومتاسف يعنى بلاش اقول كم طالب
كم مدرس انجليزى يعرف يقرا جرنال بالانجلش او رواية مثلا - يا ترى هيقراها بنسبة كام فى المائة - دا طبعا بسبب الطرق العقيمة وعدم ممارسة اللغة

4- هل تعتقدين ان المدرس بلاش الطالب اذا وضع فى موقف دفاع عن مشكلة او عند الحديث عن امور زى ما حضرتك بتقولى مثل امور الدين كالصلاة والصوم والحج وغيره هل هيقدر يسد - اللهم اذا كان متخصصا بذلك فى بعض المدارس التى تهتم بذلك
اقصد اقول ان المدرس عنده منهج بيدرسة كتير لا يهتم الا بذلك واذا تغير المنهج تعثر المدرس لغاية ما يدرس ويتعود على المنهج الجديد
5- المشكلة طبعا مش فى المدرس ولا حتى التلميذ - المشكلة فى اعناق الزجاجات كما يقولون - مطلوب من الطالب المرور بمجموع عالى فى الاعدادية وبعدها ثانوية عامة عشان يدخل جامعة وكلية ترضى طموحه وبالتالى كل المطلوب انه يجيب درجات مش يتعلم !!!!!!!!!!!!!!
واصبح المدرس الشاطر هو اللى يخلى طلابه يجيبوا درجات - ازاى باى طريقة!!!!!!!!
6- تجدين مثلا استراتيجيات للمرور من الامتحانات الكبيرة فى اللغى زى توفيل او غيره هذه تعود الطلاب على المرور ولو بالشبه من الامتحانات والاجابة بطريقة للحصول على درجات اعلى

7- الحاجة ام الاختراع - مع كل ما يحدث اللى عاوز بيتعلم بيتعلم بالتاكيد - بغض النظر عن كونه معلم ام طالب


لكن فى الختام كلام حضرتك غاية الروعة فى ضرورة تعلم اللغة
بس لا ننسى قبل وبعد كل هذا ان اللغة العربية - هى لغة الشياكة كلها ولغة الادب كله وهى اصعب اللغات تعلما - كما انه نحن من يجعل لها اهمية او من يهملها
فقد كان للعرب دور هام فى الاشعاع المعرفى والثقافى على مستوى الدنيا كلها - قبل ان يكون لغيرهم اى دور!!!!!!!!

تحياتى لحضرتك