اقتباس:
1_ حضرتك يعني كنت متضايق جدا من المشرفيين والموضوعات والادارة الي حد ما و فضلت الانسحاب
طيب ليه حضرتك مفكرتش انك تقعد وتحاول تجذب اصحابك واصحاب الموقع الاساسيين _ الاعضاء القدامي _ تاني او ترجعهم من جديد ؟؟
مين قال لك انى فضلت الانسحاب او انسحبت على طول
بالعكس انا كتير حاولت وجاهدت من اجل ان يتخلص المشرفين من عيبهم وتصرفاتهم الخاطئة
اما الاعضاء القدامى فقد طفح بهم الكيل قبل منى وكنت انا آخر المغادرين
2_اي نعم الادارة عملت حركة مش تمام انها تشيل حضرتك بسبب ظروف ما
بس لما رجعت حضرتك مشوفناش استاذ مجدي قال للادارة حاجة غير شوية زعل في بعض ردوده هل كنت وقتها تتجنب استاذ اشرف ولا استاذ مجدي مش عاوز يعمل مشاكل ولا الموضوع مش مهم بالنسبة لحضرته ؟
لاء ازاى بقا مش مهم ؟
طبعا مهم ومهم جدا لكن عودتى كانت بطلب من الاستاذ عصام صوت الحق والاستاذ زيزو وكان اشرف ترك المنتدى فعلا
وبعد عودتى شاهدت تصرفات المشرفين وبصراحة اتخنقت خصوصا ان متوسط اعمارهم مابين 17/20 سنة وانا عمرى 40 سنة ووجدت انه من العيب ان يتلاعب بموضوعاتى مثل هؤلاء الصغار وانه من العيب ايضا ان اعمل مشكلة مع احدهم او احداهن فآثرت السلامة وانسحبت فى هدوء
3_نسبة نجاح المنتدي حاليا عن زمان كام ؟ و تقييم حضرتك للادارة الحالية كام من عشرة ؟
انا لسة داخل بقالى 3/4 ايام ولذلك مش هاقدر اقيم بالظبط احوال المنتدى ولكن التقييم ليس بالعدد ولكن التقييم بمستوى ما يقدم من موضوعات وقضايا وبعدين المنتدى دلوقتى اصبح فيه ابواب كثيرة جدا لا تعد ولا تحصى و يصعب على العضو متابعتها جميعا لذلك ستجد ابواب كثيرة جدا مهملة ومهجورة بعكس الاول تماما
4_واضح من كلام حضرتك انك بتدخل زائر الفترة اللي فاتت
لو فيه موضوع عجب حضرتك
هنفرض انه فيه عشان تجاوب ع السؤال
وعاوز ترد و شايف ان الموضوع يستحق رد و بصمة استاذ مجدي
وده شرف لصاحب الموضوع ايا كان
بتعمل ايه وقتها ؟ هل ممكن تدخل ؟
فى فترة انقطاعى عن النشاط كنت كتير باشوف حاجات ويسيل لعابى فى ان اشارك فيها لكن كنت اقاوم وافضل المشاهدة عن بعد فقط
5_الاعضاء القدامي نسوا الثانوية ليه استاذ مجدي منسهاش هل لانه احبها وهم لم يحبوها ؟
حضرتك تعرف ان عدد المشاركين فى المنتدى تعدى ال100,000 ؟؟
والمتواجدين الان بضع مئات ومعنى هذا ان هناك 99,000 غادروا المنتدى تفتكر ليه؟؟؟
اكيد انا باحب المنتدى جدا ولكن اسباب حبى للمنتدى تلاشت وبالتالى اصبحت اشعر بالغربة والوحدة فى احلى مكان مقرب الى قلبى فى عالم النت
6_استاذ مجدي هيشكل طقم ادارة جديد مين يبقي فيها غير استاذ زيزو
مين الى قال انى هاشكل طاقم جديد ومين قال ان زيزو هايكون احد اختياراتى؟؟
انا وزيزو رافضين رفض تام حكاية الاشراف دى شكلا وموضوعا احنا كده احرار ندخل وقت ما نحب ونخرج وقت ما نحب بدون ماحد يحاسنا وبدون دفتر حضور وغياب
انا جربت دى وجربت دى وشعرت بالفرق
انا لو تغيبت الان مش مهدد بشيئ لكن وانا مشرف طبعا معرض للفصل كما حدث سابقا
وانا ايه اغنى فؤادى لكل ده
انا وقت ما احتاج للمنتدى ادخل ووقت ما استغنى استغنى
طبعا هاتقولى ولما المنتدى يحتاجك؟؟
هاقول لك المنتدى مش محتاجى وهو الى استغنى عنه من زمان ( مع خالص حبى وتقديرى لكل الاعضاء)
7_هل استاذ مجدي يقبل الاعتذار من الادارة مقابل الرجوع اليها مرة اخري ؟
لاء طبعا مش مطلوب من الادارة الاعتذار لان الادارة الحالية لم توجه لى اى اسائة واعتقد انها لا تعرفنى من الاصل
اما موضوع الرجوع فانا تكلمت فيه من قبل
ليه حضرتك شايف ان الادارة تحكم بالعكس مفيش تحكم ولا حاجة
مفيش كلام حد بيمشي عليا انا بعمل اللي انا عاوزه وشغلي ده شي خاص بيا مش بيهم
محدش له عندي اي اوامر وبدخل واخرج زي ما انا عاوز
سبحان الله طب اشمعنى انا حصل معاية العكس؟؟
ليه حضرتك شايف ان الادارة يعني تحكم في تصرفات حضرتك ؟
لما اتغيب عن المنتدى فترة 10 ايام لظروف خارجة عن ارادتى ولم تلتمس لى العذر الادارة تبقا دى ادارة لا تستاهل ولائى وبالتالى يكون هذا الزام ضمنى منها بالتواجد ليل ونهار وكأنى باشتغل عندها او موظف فى جهة حكومية ومعرض للجزاء والفصل فى اى وقت وانا لا اقبل هذا الوضع
وعلي فكرة حضرتك بردو مجاوبتش علي اهم سؤال وهو استاذ مجدي راجع بورسعيدي ولالا ؟
منا قولت لك راجع ومش راجع
بمعنى انى موجود الان لكن لا روح ولا عزيمة انا موجود الان ولكن يحيطنى الملل من كل جانب يمكن مع الوقت الملل يروح ويمكن يزيد حسب الظروف والجو والاحوال الجديده
8_ايه راي حضرتك في الاعضاء اللي بتسب الادارة علنا هل ده ضعف ادارة ؟ وهل كان بيحصل في وقتكم ؟
ايوه كان فى عندنا عضو اسمة يورى كان متخصص فى سب وعكننة الادارة وطبعا ده كان ضعف من الادارة
اما رائى فى هذه المسألة فهو امر مرفوض تماما خصوصا فى المنتديات المحترمة مثل منتدانا هذا
9_ الاعضاء زمان كانت قليلة نسبيا و معظم الاعضاء طلبة استاذ مجدي كان بيمل من ده ؟ خصوصا سنة 2005 و 2006
حضرتك ممكن تلاحظ نسبة موضوعاتى ومشاركاتى عامى 2005/2006 وقارنها بعامى 2007/2008 مثلا اكيد هتلاقى فارق كبير وملحوظ ولاحظ ان عدد مشاركاتى المفروض انه الان حوالى 13000 لولا الحذف
عمرى ما مليت ابدا انا كنت ممكن اواصل فى المنتدى 20 ساعة يوميا ودون انقطاع
وانا شايف ان 10 اعضاء متفاعلين فعالين افضل من 1000 كسالى
10-استاذ مجدي قال كلمة لسه في دماغي لحد دلوقت وشايفها هي القانون او الجملة المعبرة عن حال المنتدي من جهة المشرفيين
عاملين مسابقة نقل وحذف
حضرتك شايف ان المشرف الناجح ازاي ؟
هل مينقلش ويحذف ويكتفي بالردود
لا طبعاً
معنى سؤالك واجابتة ان معلومات حضرتك عن دور المشرف قاصرة على هذه ال3 اشياء
نقل - حذف - ردود
النقل والحذف والردود ده مجرد جزء من عمل المشرف ويجب ان يفكر المشرف جيدا قبل اتخاذ اى خطوة لان حب الاعضاء للمنتدى مرهونة على تصرفات المشرف معهم خصوصا الاعضاء الجدد
تخيل عضو لسة جاى جديد وكله همة ونشاط وممكن يفيدنا فى المستقبل ويقوم بتنزيل موضوع فى مكان خطأ وبدون قصد
ودخل تانى يوم وكله امل ان يجد ترحيب واعجاب ومشاركات من الاعضاء ولما يدخل المنتدى يفوجئ بنقل او حذف الموضوع
تفتكر ايه الواقع السلبى على نفسة من جراء هذا التصرف؟
اول شيئ ممكن يفكر فيه انه مايدخلش المنتدى تانى وممكن اوى يثير المشاكل ولاحظ انه كان من الجائز انه يكون مدرس او مخترع او متدين او عالم وفى كل الاحوال كنا هانستفيد منه لولا هذا التصرف الارعن الغير مسئول ...
انا قولت لك ان دور المشرف مش بس حذف ونقل وردود
دور المشرف انه ياخذ بيد الاعضاء الجدد ويرشدهم ولا يشعرهم ابدا انهم جدد او ان له افضلية او انه احسن منهم ولا يجامل البعض على حساب البعض ولا ينظر لاسم صاحب الموضوع قبل الدخول او المشاركة او النقل او الحذف ولا يتخيل ابدا نفسة ضابط والا مأمور قسم شرطة
ويعاقب ويجامل وهذا صاحبى اطنشة وهذا ماعرفوش اعمل عليه مشرف
كل دى حاجات من مسئوليات المشرف ومش زى ماحضرتك متخيل انه ينقل ويحذف ويرد فقط ؟؟
ده يبقا مشرف هايف جدا ومالوش اى لازمة
ولا الجملة دي اتقالت وقتها كمجرد الانزعاج او الضيق من مشرف/ة ما و اتقالت الجملة دي
بالعكس انا رائى كده من زمان جدا وليس بسبب موقف معين ولو بحثت فى مشاركاتى هاتجد نفس الكلام ده مكتوب بس والله مش عارف فى اى مكان وربما يكون اتحذف
حكاية نقل الموضوعات وحذفها ودور المشرف/ة الناجح فى المنتدى انا اتكلمت فى الحكاية دى كتير انظر اجابة السؤال رقم 10
بقدم اعتذاري لحضرتك ولاستاذ زيزو و لكل من يهمه الامر بالنيابة عن المشرف اللي نقل الموضوع بس هنا هيبقي انشط مع ان مكانه في القسم العام
ياريت تتقبل اعتذاري يا استاذ زيزو و يا استاذ مجدي
طيب اهو انت شوفت بنفسك ان الموضوع ده اتنقل حوالى 4/5 مرات تفتكر العيب فين بالظبط فى المشرفين والا العضو صاحب الموضوع والا فيا انا؟؟؟؟
موضوع زى ده انا وجهة نظرى انه من افضل موضوعات المنتدى الان طب ليه يتنقل 4/5 مرات ؟؟
انا شايف موضوعات فى القسم العام اهيف مما تتصور ومع ذلك منورة الركن العام ( سبحان الله)
انا كل ما ادخل الموضوع ده اجده فى مكان شكل تقدر تقول لى السبب؟؟
لو انا الى مشرف هاترك الموضوع ده فى المنتدى العام ومش هاثبته
هو يثبت نفسة بنفسة وخدها منى نصيحة
الموضوع الناجح مش محتاج مشرف علشان يتثبت هو بيفرض نفسة فى صدارة الصفحة ولو الموضوع فاشل مش محتاج مشرف يحذفه هو هاروح لواحده خلف صفحات الزمن
|
اخى الحبيبى اعتذار ايه ده انت اخ لى والله
انا سعدت جدا بلقائك وبدون اى اعتذارات انت قولت وجهة نظرك ونحن لنا وجهة نظرنا ولكن نحترم الرأى الآخر
اتمنى ان اكون اوفيت فى اجابتى ولو عندك اى استفسار انا منتظرها وبكل ترحيب
شكرا لك؟؟
شكرا لك اخى الحبيب زيزو لاتاحتى الفرصة انى اتكلم عن بعض المخالفات فى المنتدى من خلال موضوعك القيم