يا رتها على قد العربيات
لأ ده في موتسكلات كمان واللي واقف في الشارع بموبيل و مشغل أغنية و معلى الموبيل على آخره
بجد حاجة تنرفز
ويا سلام بقى لو في أغنية طالعة جديد بيصروا انهم يحفظوها للناس
تلاقيهم كلهم مشغلين نفس الاغنية وتقعد تسمع الأغنية نفسها غصبن عنك على الاقل 5مرات في اليوم
ده غير الزجاج بتاع الشبابيك والبلكونات اللي بيقد يترقص مع الأغنية وببقى حاسة انه حيقع يدشدش في أي لحظة
اقتباس:
|
وارخم حاجه لما تلاقى واحد معدى الفجر وماشى براحه وعلى مهلو زى ما يكون بيقول لازم تصحوا غصب عنكوا ..........
|
النوعية دي بالذات بتكتر أيام الأمتحانات
الواحد يبقى عايز ينام عشان يبقى فايق في الامتحان وأول ما يكبس عليا النوم يجيي واحد من الجماعة دول يخليني أفوق تاني
أنا كنت في الأول بقعد أقول ربنا يهديهم دلوقتي بقعد ادعي عليهم ربنا ينتقم منهم
لأنهم مش مقدرين حجم الازعاج اللي بيعملوه بجد ما عندهمش دم
معلش اتكلمت كتير بس بجد الموضوع ده بينرفزني جداااااااااااااااااااااااااااا