[Mego_me]

المشاركة الأصلية كتبت بواسطة SENDRILLA

سوري يا همسه وسوري ليكو كلكو
هو حلقات د.احمد كده خلصت
هو فضل يتكلم عن المواد الاساسيه في الكليه بس
وده الاهم برده من وجهة نظري
ولو حبيتو تستفسرو التوبيك مفتوح والقسم كمان
وان شء الله اقدر ارد علي تساؤلاتكم
اتصلو علي 0900
واعتقد دكتور ميجو كمان ممكن يساعدكو
حلوه التدبيسه دي يا دكتور مش كده ؟ ههههههه

واضح اني اتدبست تمام

المشاركة الأصلية كتبت بواسطة Dr.Nader Galal

بعد بسم الله الرحمن الرحيم والسلامـ عليكم ورحمه الله وبركاته ...
بعد ما قريت التوبيك ده ندمت أني مسجلتش من الاول بس أعذروني المنتدي ده بيفكرني بأيام سوده بعد النتيجه يلا الحمدلله ..المهم /معاكو من غير ألقاب دكتور نادر جلال أولي طب بيطري القاهرة ..ةشكلي جيت في الوقت المناسب لدكتور محمد عشان في أزمه في الشباب في سنة أولي لدرجة أني حسيت أنها دُفعة نسائيه ,وأحب أشكركو عـ المعلومات اللي فادتني جداً..,اطمنكو لآن أنا أصلاً أجدع واحد يلعب بالاجنتين:D:Dوفي الآيند أحب أكون ضيف خفيف عليكو ونبتدي المسيرة من هنا :abdoog8:

اهلا بيك يا نادر وان شاء الله تقضي اجمل ايام في الكليه ...سيبك بقي من ايام النتيجه وقولنا ايهي اسئلتك عن الكليه والدراسه وكده واحنا نجاوبهالك؟؟؟

المشاركة الأصلية كتبت بواسطة Dr.Nader Galal

مشروعين مرة واحده مش هحسد ولا حاجه متخافيش وياتري هما ايه بس الواحد كل ما يدور في منتديات مثلاً تحس أن مثلاً شركات الادويه ناس بتشجعها بعدين يختلفو بيطري ولا بشري وفجأة يظهر رأي أن شغل الفيلد أحسن وبعدين عيادات pet animalوعشان كده عاوزين توبيك يعرض طبيعة كل عمل ومميزات وعيوبه ومتطلباته وأيضاً الرقابه عـ الاغذيه وده طبعاً غير التفدير ومعيد بقي وعليك خير :abdoog8:

بص يادكتور انت اول حاجه بالنسبه للشغل

انت بعون ربنا هتبقي احسن حد عنده مجالات شغل ان شاء الله



شركات الادويه وده اضعف الايمان (لما تكون كسول وعايز حاجه لايت)ودي بتتميز بمرتابتها الحلوه وانهم في الكثبر من الشركات بيدوك عربيه تلف بيها ويتخصم قسطها الشهري من مرتبك وفي الاخر تبقي بتاعتك غير الميزات الاخري



المزارع بجميع انواعها يعني خيول ....عجول...جمال.......والبقيه كثيير ودي مرتابتها حلوه بس عيبها انك هتتعب شويه لاني هي دي اساس مهنتك .....بس بجد هتحس لو دخلت الفيلد ده انك دكتور بجد ....ومراتبتها حلوه مش وحشه



العيادات وهنا تنقسم العيادات الي نوعين ...عيادات قطط وكلاب في مناطق راقيه مصر الجديده او مدينه نصر ودي اللي بيفتحها بيعدي وبيصبح شخص اخر...النوع التاني عيادات في الارياف والمناطق الريفيه لو انت غاوي الحكايه ممكن تسافر اي بلد ريفيه وتفتح عياده هناك وبرضو دي اللي بيفتحها بيعدي اووووي لا الشغل هناك علي ودنه

تخش اكاديميه وتطلع ظابط دكتور ....الاكاديميه 6 شهور مده الدراسه بيها ....بتيتخرج ملازم اول..سواء كنت جيش از شرطه مميزاتها رائعه .....نفس مميزات العسكريه والشرطه وفي الاخر دكتور برضو...مفهاش وسطه كتير واي حد بيدخلها لا عددنا قليل شويه...طبعا البنات ملهمش اكاديميه

الرقابه علي الاغذيه ....والشركات دي اللي اخوك ان شاء الله منمر عليها .....مميزاتها جامده جدا....هي زي شركات الالبان واللحوم وطبعا الحكايه جامده جدا وفي نفس الوقت انت دكتور في مجالك



في وزاره الصحه وطبعا المهن هنال\ك كتير والمرتبات برضه تقيله وهتنزل تراقب علي الجزارين




طبعا معامل التحاليل وهتشتغل دكتور تحليل سواء كانت معامل تحاليل بشريه او بيطريه




عندك المستشفيات ذات الرعايه البيطريه


طبعا متكلمناش في موضوع معهد البحوث والتعيين في الكليه عشان دي للي يرتبو ان شاء الله ونبقي نتكلم ساعتها عن الحاجات دي

طبعا دي نبذه مختصره عن المستقبل المهني للكليه....ارجو اني اكون فدتك