السلام عليكم ورحمة الله
وعليكم السلام ورحمة الله وبركاته
طبعا اكيد عنوان الموضوع غريب
لا؟
غريب وجذبنى بصراحة
مش غريب؟؟؟
طب كويس والله
المهم يعني انا عايز اقول ان موضوعي كله بيدور حول الكلمة دي
نفسي اللي يدخل يحاول يرد على اسألتي لاني بجد مش لاقيلها اجابة
ان شاء الله فيه اجابات
ليه البنت اللي بتمشي مع ولد وبتكون متأكدة انه عمره ما هيفكر يتزوجها ومع ذلك بتخدع نفسها وتكمل معاه؟؟؟
مش كل الناس كدة اولا ثانيا اكيد يعنى بتكون حاسة بنقص عايزة تكمله او مضطهضة وعايزة حد يحسسها انها ليها قيمة مش مضطهضة(مش انا طبعا )
وليه نفس البنت دي بعد ما الولد دا يسيبها تروح تمشي مع ولد تاني؟؟
اكيد تسلية واحدة فاضية نقول عليها ايه بقي؟
ليه بنذاكر واحنا عارفين اننا مهما دخلنا كليات عالية برضه في الاخر الواسطة والمحسوبية هي اللي بتغلب في الشغل؟؟
عشان بابا وماما ما يضربوناش ويقولو لنا ذاكرو وعشان ميزعلوش بقي انت عارف باللمس واحنا مش عايزين زعل ولا انت ايه رايك؟
ليه الاب والام مش مقتنعين ان ابنهم او بنتهم مش هيتصلح حاله الا اذا بقى دكتور ولا مهندس؟؟
انا عارفة بقي هما كدة دماغهم كدة نعمل لهم ايه؟ وبعدين انت بتسالنى انا ليه وانا مالي؟:abdoog8:
ليه ساعات بتقول انك انت الصح وبتحاول تقنع التانيين بكدا وعارف انك غلط وبتضحك على نفسك؟؟
لا انا مش كدة والحمد لله
ليه بنكره الاعتراف بالخطأ وبنتكبر اننا نقول اننا غلطانين؟؟
لا والحمد لله يعنى انا مش كدة خااااااااااااااالص
ليه مبقيناش نحترم الكبير زي الاول؟؟
مش عارفة والله لما اعرف هابقي اقول لك
ليه كل الناس عايزة تتكلم بس مفيش حد عايز يسمع؟؟
اكيد مبيسمعوش من اسايه
ليه لما تكونى داخلة من باب الكلية بالحجاب الشرعي وواحدة تانية داخلة بالاحمر والاخضر ييجي حارس الامن يطلب منيك الكارنيه او يقوليك لفي من البوابة التانية مع انه عارفيك وبيشوفيك كل يوم لكن بيسيبها هي تعدي مع انها ممكن يكون اول مرة يشوفها؟؟
قلة حياء بجد
ليه بتبقى شهم اوي لو واحد صاحبك طلب منك خدمة انما لو ابوك طلب منك تغسل العربية بتبقى متكدر مع انك انت اللي بتخرج بيها ؟؟
هههههههههههههههههههه مش عارفة ليه والله بس حلوة وبعدين احنا معندناش عربية ولما يكون عندنا ان شاء الله مش هابقي اغسلها ال اغسل العربية ال دى اخرتها هههههههههههههههههههههه
ليه بتقعدي تكلمي صحبتك بالساعات في التليفون ولما امك تطلب منك حاجة في شغل البيت تقولي انك تعبانة؟؟
طبعا ده شيء اكيد لانى هاقعد اكلمها يعنى مش هاقف اكلمها ودى حاجة مريحة جداااااااااااا اما لو ماما قالت لي اعملي حاجة اكيد يعنى هاكون واقفة وانا تعبانة فعلا ههههههههههههه
ليه ممكن تقرأ موضوع 10 صفحات ع النت ومتقراش ولا صفحة قرآن في اليوم؟؟
بصراحة انا مقصرة فعلا بس ربنا يهدينى
لييييييييييييييييييييييييييييييييييييييييييه؟؟
ولسا كتير
كتير
كتير
لا كفايا كدة
بس ليه؟؟
انا قولت اللي عندى
ربنا يهدى